«Inflıasııa geosaıası jaǵdaıǵa baılanysty aıtarlyqtaı ósti. Búginde álemde jáne elimizde baǵalardyń ósýi jáne ınflıasııalyq qysymnyń artqanyn baıqap otyrmyz. Mundaı jaǵdaıda ınflıasııanyń jyldyq ósýi 12%-ǵa deıin kótereledi. Sebebi baǵanyń ósýi barlyq salada baıqalyp otyr. Bastapqy kezde qubylmalylyǵy shamaly jáne tek orta merzimdi kezeńde ǵana tómendeıtin ınflıasııanyń eleýli túrde óskenin baıqaımyz. Muny 2022 jylǵy naýryzda bazalyq ınflıasııaǵa berilgen ártúrli baǵalaý aıǵaqtaıdy. Qazir ınflıasııaǵa qatysty boljamdar joǵary jáne turaqsyz bolyp otyr», dedi Ǵalymjan Pirmatov Ulttyq bankte ótken baspasóz máslıhatynda.
Onyń aıtýynsha, bazalyq mólsherlemeni kóterý, ınflıasııanyń ósý úrdisine jol bermeý jolyndaǵy qajetti shara.
«Bıyl naýryzda respondentter arasynda júrgizilgen saýalnama qorytyndysy halyq seniminiń tómendep, ınflıasııalyq kútýlerdiń birshama artqanyn kórsetti. Inflıasııany sandyq baǵalaý 2022 jylǵy naýryzda 11,4%-dy kórsetti. Osyǵan baılanysty júrgizilip otyrǵan saıasatqa jáne onyń ınflıasııa boıynsha málimdelgen maqsatqa jetý qabiletine halyqtyń senimin arttyrý Ulttyq banktiń basym mindeti bolyp qala beredi. Bul úshin aqsha-kredıt saıasaty ınflıasııany nysanaly baǵdar deńgeıine deıin tómendetýge negizdelýi kerek», deıdi ol.
