Astanada 100-den asa adamdy taqyrǵa otyrǵyzǵan kúdiktiler ustaldy

Astanada 100-den asa adamǵa jalpy somasy 112 mln. teńgeni quraıtyn taýar men aqshalaı nesıe aldyrǵan kúdiktiler qolǵa tústi. Bul týraly «Habar» telearnasy habarlady. Qarjy polısııasy agenttigi Aıtbaeva men Ott esimdi azamatshalarǵa qatysty   «aldyn ala sóz baılasqan top bolyp, asa iri kólemde alaıaqtyq áreketter jasaý» deregi boıynsha qylmystyq is qozǵady. Olar 2013-2014 jyldary Astana qalasynda 100-den asa adamnyń senimine kirip, «buryn alǵan nesıelerińdi jaýyp beremiz» degen syltaýmen ekinshi deńgeıli bankterden jańa nesıe rásimdeýge kóndiredi. Alaıda, nesıege alynǵan qarajat pen taýarlardy kúdiktilerdiń ózderi ıemdengen. «2014 jylǵy 2 sáýirde Almaty aýdanynyń №2 sotymen Aıtbaevaǵa qatysty qamaýǵa alý bultartpaý sharasy qoldanyldy. Al ekinshi kúdiktiden asyraýynda jasóspirim eki balasynyń bolýyna baılanysty eshqaıda ketpeý qolhaty alyndy. Atalǵan aıyptalýshylardyń is-áreketinen japa shekken barlyq tulǵalardy qarjy polısııasy organdaryna habarlasýyn suraımyz»,-deıdi Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı. Ámirhan Almaǵanbetov. Derekkóz: «Habar» telearnasy. Foto: www. 1tv.ru.