Aqmola oblysynyń aýdandaryn sý basyp jatyr

Aqmola oblysy Atbasar qalasynyń 330 úıi qardyń erigen sýynyń tasqynyna ushyrady. Bul týraly aımaq tótenshe jaǵdaılar departamentiniń baspasóz qyzmetine silteme jasaǵan Tengrinews.kz habarlady. Topan sýdyń saldarynan 256 adam úılerinen kóshirilip, qaladaǵy orta mektepter úılerine jaıǵastyryldy. Qazir aýdanda qar sýynyń ahýalyn baqylap turatyn bes beket qurylyp, jumys jasaýda. Osymen bir mezgilde sýdy basqa jaqqa aıdaý qolǵa alyndy. «Joldardyń toǵandary alyp tastalyp jatyr, bul qalada sý deńgeıiniń tómen túsýine áser etýde. Qar sýy sý aǵar turbalarmen aryqtar arnalaryna jiberilip jatyr», - delingen baspasóz paraqshasynda. Oblystyń Astrahan aýdanynda eki úı qardyń sýy astynda qaldy. Olarda turatyn 9 adam kóshirildi. Al Selınograd aýdanynda 46 úıge tasqyn sý tap berdi. Olardaǵy 96 adam evakýasııa jasaldy. Shortandy aýdanynda qutqarýshylar jergilikti plotınanyń aınalma turbalaryn tasqynnyń buzyp ketý qaýpi bar ekenin aıtady. «Qazirgi tańda toǵan kóterildi, sóıtip, plotına sýynyń deńgeıi 40 santımetrge tústi. Úılerden 96 adam basqa jaqtarǵa kóshirildi», - delingen habarlamada. Murat Aıtqoja. Derekkóz: Tengrinews.kz. Foto: Tengrinews.kz.