Aımaqtar • 29 Sáýir, 2022

Almaty áýejaıyndaǵy kemshilikter joıylmaı otyr – IIDM

44 ret kórsetildi

Indýstrııa jáne ınfraqurylymdyq damý mınıstrligi kóliktegi oqıǵalar men ınsıdentterdi tekserý departamentiniń dırektory Bolat Naýryzálıev Almaty áýejaıy 3 jyldan beri mamandar eskertken kemshilikterdi joımaı otyrǵanyn málim etti, dep habarlaıdy Egemen.kz.

«Bizdiń departament avıasııalyq oqıǵalardyń sebepterin anyqtaıdy. Azamattyq avıasııa halyqaralyq uıymynyń standarttary men usynymdary boıynsha esep ázirlendi. Júrgizilgen tergeý atalǵan esep boıynsha áldebireýdiń kinásin nemese jaýapkershiligin anyqtaýdy kózdemeıdi», dedi departament basshysy.

Buǵan deıin jarııalanǵan tergeý esebine súıengen jýrnalıster bul oqıǵada áýejaı ákimshiliginiń kinási bar-joǵyn surady.

«Esepte bári aıqyn kórsetilgen. Áýejaı tarapyna qandaı eskertýimiz bar degenge kelsek, bizdiń tujyrymdar men usynymdar boıynsha avıasııa ákimshiligi kórsetilgen kemshilikterdi joıý úshin áýejaıǵa shara qabyldaýy kerek. Biz bergen usynymdarda búkil kemshilikter men eskertýler kórsetilgen. Biz tek tergeýmen aınalysamyz, avıasııalyq oqıǵalardyń sebepterin anyqtaımyz. Mundaı jaǵdaılar qaıtalanbas úshin usynym beremiz. Avıasııa uıymy áýejaıǵa qatysty birneshe tekserý júrgizdi. Áýejaı úsh jyldan beri joımaı kele jatqan kemshilikter bar. Tipti joıýǵa tyryspaıdy da. Ishki ister mınıstrligi, kólik prokýratýrasy, avıasııa ákimshiligi shara qoldanady», dep qosty Bolat Naýryzálıev.

Sońǵy jańalyqtar

Bılikten ketkisi joq

Álem • Keshe

Venesııadan nesi kem?

Qoǵam • Keshe

Jaýaby joq jumbaq taǵdyr

Ádebıet • Keshe

Aınalma joldyń azaby

Aımaqtar • Keshe

Uqsas jańalyqtar