Aldymen 15-shi shaǵyn aýdandaǵy qurylysy aıaqtalǵan 80 páterli turǵyn úıge barǵan aımaq basshysy qurylys jumystarynyń sapasyn tekserip, birqatar eskertý aıtty.
Turǵyn úı aýlasyn abattyndyrýǵa da aıryqsha nazar aýdarýdy tapsyrdy.
Merdiger nysandy aldaǵy bir aıda tolyǵymen tapsyrmaq.
Budan son Nurjan Nurjigitov «Býryl» alqabyna at basyn buryp, joldardy asfalttaý jumystarymen tanysty. Jolaı kezdesken turǵyndardyń saýalyna jaýap bergen oblys ákimi jol salý jumystary kezeń-kezeńimen atqarylatynyn jetkizdi. Memlekettik saraptamadan shyqqan soń 1-2 jylda kóshelerdi asfalttaý bastalmaq.
№54 orta mektep jóndeýdi qajet etedi. Jobalyq syıymdylyǵy 1200 oryndy quraıtyn oqý ordasynda qazirgi tańda 2100-den asa bala bilim alyp jatyr.
Aımaq basshysy mektep ǵımaratyn, aýlasyn aralap kórip, sanıtarlyq torap pen aýladaǵy tazalyqqa qatysty birqatar eskertpeler bildirdi. Al kúrdeli jóndeý boıynsha zerdelep, jan-jaqty sharalar qabyldaý úshin jaýaptylarǵa naqty tapsyrmalar júktedi.
Kelesi kezekte Nurjan Nurjigitov №1 arnaýly áleýmettik qyzmetter usyný ortalyǵynyń jaı-kúıimen tanysty. Ortalyq basshylyǵyna kelýshilerge turmystyq, medısınalyq, psıhologııalyq, eńbek, mádenı, ekonomıkalyq, quqyqtyq qyzmetterdi sapaly túrde usyný kerektigin basa aıtty. Nysannyń sport alańshasy jáne ashanasyn jóndeý máselesi nazarǵa alyndy.
Asqarov kóshesiniń sońyndaǵy qurylysy júrip jatqan 600 oryndyq orta mektepke barǵan oblys ákimi merdigerge jumystardy sapaly ári bekitilgen kestege sáıkes júrgizýdi tapsyrdy. Qala basshylyǵy men tıisti basqarmalarǵa meptepke keletin jol salý jáne sý máselesin sheshý boıynsha sharalar qabyldaý kerektigin eskertti.
Aımaq basshysynyń jumys sapary «Polıetılen-Agro» JShS-niń jańa sehinde túıindeldi. Kópjyldyq jyly-jaı plenkalaryn, mýlchaǵa arnalǵan plenka ónimderin, geomembrana, polıpropılendi qapshyqtar men torly qapshyqtar, polıpropılendi jip óndirýmen aınalysatyn kásiporynda 59 adam jumys isteıdi. О́nimder elimizdiń barlyq óńirine jáne kórshi Qyrǵyz Respýblıkasyna jiberiledi.
