Balyq sharýashylyǵy komıtetiniń resmı ókili Aslan Jeńisulynyń aıtýynsha, «Amangeldi atyndaǵy» JShS balyqshylarynyń toryna túsken alyp qortpany Kaspıı teńizine jiberýge sheshim qabyldandy. Salmaǵy – 197 kılo, uzyndyǵy 2 metr 47 sm bolatyn bul balyqty balyqshylar memlekettik tapsyrys aıasynda aýlaǵan edi.
«О́tken aptada «Jaıyq-Atyraý» bekire shabaǵyn ósirý zaýytynyń mamandary qortpadan jasandy jolmen 35 kılo qara ýyldyryq aldy. Bul – 1,2 mln dana ýyldyryq. Zaýyt mamandary ýyldyryqty uryqtandyryp, shabaq kezeńine deıin ınkýbasııalaýǵa arnalǵan apparattarǵa ornalastyrdy. Ýyldyryqtan jetildiriletin shabaqtar aldymen basseınderde ósiriledi. Keıin tabıǵı ortaǵa jiberýge daıyn bolǵanǵa deıin arnaıy toǵandarǵa aýystyrylady. Shabaqtardyń ortasha salmaǵy 3 grammdy quraǵan soń tabıǵı ortaǵa jiberiledi», deıdi Aslan Jeńisuly.
