Alqaly jıynǵa el aǵalary, qoǵam qaıratkerleri men zııaly qaýym ókilderi arnaıy kelip qatysty. Jıyn barysynda Parlament Májilisiniń depýtaty Darhan Myńbaı, Túrkistan oblysynyń Qurmetti azamattary Ábdijappar Ońalbaev, Ismat Tursynqulov, Sháripbek Jamalbek quttyqtaý sóz sóılep, kemeńger tulǵanyń ómir joly jaıly baıandap, eńseli eskertkishti saltanatty túrde ashty.
Túrkistan oblysy Qoǵamdyq keńesiniń tóraǵasy Baıdildá Jylqyshıev, memleket qaıratkeri Asqar Myrzahmetov, Ońtústik Qazaqstan oblysynyń qurmetti azamaty Ábilqasym Dosbolov, aýdan ákimi Tólegen Telǵaraev eskertkishke gúl shoqtaryn qoıyp, taǵzym etti.
Aıta keteıik, «Atameken» korporasııasy» JShS-niń dırektory Murat Tóltebaevtyń demeýshiligimen boı kótergen qoladan jasalǵan eskertkishtiń jalpy bıiktigi 5 metrdi quraıdy.
