Portal málimetinshe, Qyzylorda oblysy Polısııa departamentiniń Krımınaldyq polısııa basqarmasynyń qyzmetkerleri 2014 jyldan beri izdeýde júrgen qylmyskerdi qolǵa túsirdi.
Qostanaı oblysynyń 56 jastaǵy turǵyny adamdar tobynyń aldyn ala sóz baılasýy arqyly asa iri mólsherde urlyq jasaǵan. Oǵan qatysty qylmystyq is qozǵalyp, qamaýǵa alý bultartpaý sharasy qoldanylyp, izdeý jarııalanǵan. Bul oqıǵa boıynsha arnaıy izdestirý sharalary júrgizilgen.
Portal málimetine qaraǵanda, 2012 jyldyń aqpanynda kúdikti sybaılasymen birge jalǵan kelisimshart negizinde Qyzylorda qalasyndaǵy fırmalardyń birinen 74 580 940 teńge kóleminde aqshany bank arqyly esepshotyna aýdaryp, jymqyryp ketken. Izdestirý sharalarynyń nátıjesinde, Qyzylorda oblysy Polısııa departamentiniń qyzmetkerleri izdeýde júrgen qylmysker Aqmola oblysynda ustalyp, Nur-Sultan qalasynda qamaýǵa alyndy.
