Qazaqstan • 05 Mamyr, 2022

«Jańa Qazaqstan» ıdeıasyna qoldaý bildirdi

152 ret kórsetildi

Elordada «Aýyl» halyqtyq-demokra­tııalyq pat­rıot­tyq partııasy Saıası keńesiniń keńeıtilgen otyry­sy ótti. Basqosýǵa partııanyń óńirlerdegi fılıal­darynyń tóraǵalary, Saıası keńes músheleri qatysty.

Saıası keńestiń keńeıtilgen otyrysynda Memleket basshysy Qasym-Jomart Toqaevtyń «Jańa Qazaqstan: Jańarý men jań­­ǵyrý joly» atty halyqqa arna­ǵan Joldaýyndaǵy saıası reformalar legi negizgi taqyrypqa aınaldy. Sondaı-aq basqosýda partııanyń jańa bastamalary zerdelendi. Jıynǵa qatysýshylar Prezıdenttiń konstıtýsııalyq ózgerister jónindegi jáne ózge de el damýyna qatysty reformalaryn tolyq qoldaıtyndaryn jetkizdi.

Partııa Saıası keńesiniń múshe­leri «Jańa Qazaqstan» ıdeıasy elimiz­degi eń ózekti máselelerdi nazardan tys qal­dyr­maýǵa baǵyt­talǵanyna, demokratııalyq úderis­terdi damytýǵa jaǵdaı týǵyza­tynyna bek senimdi. Sondaı-aq partııa músheleri Memleket basshy­synyń bastamasymen qolǵa alynyp jat­qan saıası ózgerister «Aýyl» partııasynyń saıası ortada básekelestikke qabilet­tiligin arttyryp, jańa deńgeıge kóteri­lýine múmkindik týǵyzady degen pikirde. Basqosýda Saıası keńes tarapynan partııa­ny jańǵyrtý jónindegi birneshe usynys­tyń qoldaý tabýy da sol oımen sabaqtasyp jatsa kerek.

«Aýyl» partııasynyń jetek­shileri birinshi kezekte saılaý komıssııalarynyń quramynan óz isine berilgen partııa múshe­lerin kórgisi keledi. Sonymen qatar, partııa basshylyǵy sany bar, sapasy joq múshelerin uıym qura­mynan shyǵaryp, olardyń or­nyn qoǵamdyq máselelerge beı­jaı qaramaıtyn, ózindik usta­nymy bar azamattarmen tolyqtyrýǵa nıettenip otyr.

Sonymen qatar, «Aýyl» partııasynan saılanǵan depýtattar men ákimderdiń qyzmetin baǵa­laýdyń sıfrlyq platformasyn qurý mańyzdylyǵy aıtyldy. Sıfrlyq platforma árbir depýtat pen ákimniń qyzmeti partııa músheleri men saılaýshylar aldynda esep beretindeı etip qurylady. Bul sıfrlyq platfor­ma «Aýyl reıtıng» degen ataýmen 2022 jyldyń 1 shildesinen bastap testilik rejimde iske qosylmaq.

«О́tken jyly partııalyq tizim boıyn­sha túrli deńgeıdegi máslıhattar men Májilis saılaýy ótti. Bul biz úshin jańa tájirıbe boldy. Árıne, depý­tat­tyqqa kandıdattardy sapaly irikteýge ýaqyt az bolǵanyn mo­ıyndaý kerek. Osyǵan oraı úmitkerlerdi irikteý úshin taǵy bir sıfrlyq platforma – «Aýyl azamaty» platformasyn qurýdy usynamyn. Onyń kómegimen kez kelgen qazaqstandyq ózin tanytyp, eńbegi men áleýetin kórsete ala­dy, sondaı-aq alda­ǵy saılaý naý­qanynda ózin par­tııalyq rezerv­ke kandıdat retin­de usyna alady», dedi partııa tóraǵasy Álı Bektaev.

Jıyn barysynda aýyl sha­rýashylyǵy salasyn damytýǵa qatysty máseleler, atap aıtqan­da, aýyl sharýashylyǵy sala­syn qoldaýǵa arnalǵan sýbsıdııa­lar­dyń azdyǵy, sharýalardy memle­kettik qoldaý tetikteriniń jetil­dirilmegendigi sóz boldy. Partııa uzaq jyldar boıy Agrobank qurý máselesin kóterip keledi. Osy oraıda partııanyń Saıası keńesi Premer-Mınıstrdiń atyna agro­ónerkásiptik keshen­di qoldaýǵa be­riletin sýbsıdııalar kóle­min eki esege ulǵaıtý jáne shaǵyn jáne orta sharýashylyqtarǵa bóli­netin nesıe­ler­diń jyldyq úste­mesin 1-2%-dan asyr­maý týraly usynystarmen ashyq hat jol­damaq.

Saıası keńestiń keńeıtilgen otyrysynda «Jańa Qazaq­stan­daǵy jańa aýyl» jobasyn iske asyrýdyń mańyzy sóz boldy. Bul jobada «Aýyl» partııasynan saılanǵan máslıhat depýtattary men partııa demeýshileri tarapynan halyqqa materıaldyq kómek kórsetý, áleýmettik jobalardy iske asyrý, aýyldy kóriktendirý sııaqty is-sharalar keshenin júzege asyrý josparlanbaq.

Basqosý sońynda «Jańa Qazaq­­stan» tujyrymdamasyna negiz bolatyn qo­ǵam­dyq qundy­lyq­tardy qalyptastyrý bo­ıyn­sha «Aýyl» partııasynyń úndeýin par­tııa hatshysy Anas Baqqojaev tanys­tyrdy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar