Qarjy • 05 Mamyr, 2022

Shotyńyzǵa buǵaý salynbasyn

45 ret kórsetildi

Kólik salyǵyn tóleý merzimi bıyl 1 sáýirde aıaqtalǵany belgili. Al 2 sáýirden bastap, mindetti tólemin ýaqtyly tólemegen kólik ıelerine salyq bereshegi týraly habarlama jiberile bastady. Osy habarlamany alǵan azamattar 30 jumys kúni ishinde tólemaqyny salýy tıis.

Qarjy mınıstrligi Memleket­tik kirister komıtetiniń mamandary qazaqstandyqtardyń kólik quraldaryna salynatyn salyq somalary boıynsha bereshek týraly PUSH-habarlamalar bank qosymshalaryna jiberilip jatqanyn jetkizdi. «Salyq tóleý – ár azamattyń mindeti. Kólik salyǵy da sonyń qataryna kiredi. 2021 jylǵa jeke tulǵalardyń kólik quraldaryna salyq tóleý merzimi 2022 jylǵy 1 sáýirde aıaqtaldy. Salyq bereshegi týraly habarlama tabys etilgen kúnnen bastap 30 jumys kúni ótken soń 3 063 teńgeden kóp (bir eselengen AEK) mólsherde salyq bereshegi tólenbegen jaǵdaıda salyq organy salyq buıryǵyn shyǵarady. Osylaısha, bereshegin ótemegen jeke tulǵalarǵa tıisti tólemdi máj­búrlep óndirip alý týraly sa­lyq buıryǵy joldanady. Osy buı­ryq ıesine jetken kúnnen bas­tap 5 jumys kúni ishinde bereshek óte­lýi tıis. Áıtpese buıryq jeke sot oryn­daýshylaryna májbúrlep óndirip alý úshin jiberiledi», deıdi mamandar.

Eger salyq bereshegi týraly habarlama jeke sot oryndaý­shysyna jetse, onda boryshker salyq somasynyń ústine sot oryndaýshysynyń qyzmeti úshin de aqy tóleýge májbúr bolady. Olardyń qyzmeti salyq bereshegi somasynyń 25%-yn quraıdy. Iаǵnı kóligińizdiń salyǵy shamamen 25 myń teńge bolsa, onda osy somadan tys 6 250 teńgeni sot oryndaýshysyna beresiz degen sóz. Onyń syrtynda banktegi shottaryńyz buǵattalyp, jınaǵan depozıtińizdegi aqshany alýǵa shekteý qoıylady.

«Sondyqtan bereshekti máj­búr­­lep óndirip alýǵa baıla­nys­ty qolaısyzdyqty boldyr­mas úshin azamattar salyq bere­she­gin ýaqtyly ótep, mem­le­ket aldyndaǵy salyq mindet­teme­lerin oryndaýǵa shaqyra­myz. Sa­lyq beresheginiń bar-joǵy týraly málimetterdi (AppStore, PlayMarket) e-Salyq Azamat mobıl­di qosymshasy arqy­ly tekserýge bolady: e-Salyq Azamat→Elektrondy servıs­ter→Salyq jáne áleýmettik tólemder boıynsha bereshek týraly qyzmeti→JSN-dy engizý», deıdi Memlekettik kirister komı­teti basqarma basshysynyń orynbasary Aınur Sartaeva.

Sońǵy jańalyqtar

Semeı qalasynyń gerbi bekitildi

Aımaqtar • Búgin, 07:47

«Qaıyrymdylyq» taqyrybyndaǵy marka

Qazaqstan • Búgin, 07:45

Bas júlde buıyrmady

Sport • Búgin, 07:42

Josparyn jarııa etti

Sport • Búgin, 07:40

Sıfrlandyrý – ózekti másele

Úkimet • Búgin, 00:49

BUU-nyń Jahandyq shartyna qosyldy

Ekonomıka • Búgin, 00:34

Jeti túrli sóz

Ádebıet • Keshe

Antyna adal azamat

Qazaqstan • Keshe

Júrektiń jumsaq kúlkisi

Ádebıet • Keshe

О́ńirlerde aýa sapasy nashar

Ekologııa • Keshe

Elorda kúnine tartý

Teatr • Keshe

Jalǵyz qoldy sheber

О́ner • Keshe

Ereımen jerindegi ejelgi nysandar

Rýhanııat • Keshe

Uqsas jańalyqtar