Bul týraly oblystyq polısııa departamenti baspasóz qyzmeti habarlady.
«Ssang Yong Actyon» markaly avtokólik júrgizýshisi róldi basqara almaı qalyp, qarsy baǵytta kele jatqan «Vaz-21014» kóligimen betpe-bet soqtyǵysty. Apat saldarynan «Vaz-21014» kóliginiń 33 jastaǵy júrgizýshisi men 5 jolaýshy oqıǵa ornynda mert boldy . Al «Ssang Yong Actyon» kóligindegi 35 jastaǵy júrgizýshi men kámeletke tolmaǵan úsh jolaýshy túrli dene jaraqatymen aýrýhanaǵa jetkizildi», dedi ShQO polısııa departamenti baspasóz qyzmeti.
Atalǵan fakt boıynsha QR QK 345-babynyń 4-bóligi kólik quraldaryn basqaratyn adamdardyń abaısyzda eki nemese odan da kóp adamnyń ólimine ákep soqqan jol qozǵalysy erejelerin buzýy boıynsha sotqa deıingi tergeý bastaldy. Qylmystyq is júrgizý kodeksiniń 201-babynyń 1-bóligine sáıkes sotqa deıingi tergep-tekserýdiń ózge de derekteri jarııa etýge jatpaıdy.
Aıana Toǵanbek
