Qoǵam • 11 Mamyr, 2022

170 mln-ǵa jýyq qyzmet kórsetildi

24 ret kórsetildi

Bıyl «Azamattarǵa arnalǵan úkimet» memlekettik korporasııasynyń quryl­ǵanyna 6 jyl toldy. Korporasııanyń basqarma tóraǵasy Súıenish Ábdildınniń aıtýynsha, 5 jylda qazaqstandyqtarǵa 167 mln-nan asa qyzmet kórsetildi.

Kollajdy jasaǵan Záýresh SMAǴUL, «EQ»

«Azamattarǵa arnalǵan úkimet» – Qazaqstanda memlekettik qyzmetterdi kórsetýshi biryńǵaı provaıder sanalady. Korporasııa tórt túrli mekemeniń qosylýy nátıjesinde qurylǵanyn aıta ketken oryndy.

«Korporasııa halyqqa qyzmet kórse­tý ortalyqtaryna jaýapty mekeme retinde tanymal. Alaıda odan bólek jer kadastry, jyljymaıtyn múlik, áleýmettik tólemder men zeınetaqyny esepteý, zańdy tulǵalardy tirkeý syndy baǵytta da jumys isteıtinimizdi eske sala ketken jón. Korporasııa memlekettik reestrdegi 664 qyzmet túrin kórsetedi. 5 jyl aralyǵynda elimizdiń azamattaryna 167 mln-nan asa qyzmet kórsetildi», dedi uıym basshysy.

Bul kvazımemlekettik kompanııada 22 myń maman qyzmet etetinin eskersek, óńirler men Almaty, Shymkent, sondaı-aq astanada barlyǵy 19 fılıal jumys isteıdi. Buǵan qosa aýyl-aımaqty qamtıtyn 328 halyqqa qyzmet kórsetý ortalyǵy, jyljymaıtyn múlik pen jer kadastry, áleýmettik tólemderge baılanysty barlyǵy 442 bek-ofıs ashylyp, jumysy jolǵa qoıylǵan. Sol sekildi aýyldy eldi mekenderge 68 mobıldi HQO qyzmet kórsetedi. Búginde kún tártibinde birqatar qyzmetti avtomattandyryp, sıfrly formatqa aýystyrý kózdelip otyr.

Memlekettik korporasııanyń front-ofıster jelisine baılanysty taıaý bolashaqqa arnalǵan negizgi jospary – ózine ózi qyzmet kórsetýge baǵdarlan­ǵan HQO-yn qaǵazsyz qyzmet kórsetýge aýystyrý.

«Búginde azamattardyń 80%-y HQO-na tek 10 memlekettik qyzmet alý úshin júginedi, onyń 5-i Ishki ister mı­nıs­trliginiń baǵytymen tikeleı baı­lanysty. Ony avtomattandyryp, onlaın qyzmetterdi arttyrý kerek. Tu­tastaı aıtsaq, halyqqa qyzmet kórsetý ortalyqtaryna júginetin ha­lyqtyń sany azaıyp barady. Aıtalyq bıylǵy birinshi toqsannyń qorytyndysyna sáıkes byltyrǵy kezeńimen salystyrǵanda qyzmet alýshylardyń sany 10%-ǵa qysqardy», dedi S.Ábdildın.

Sıfrlandyrý qujat rásimdeýdi jeńildetedi

Qazir halyqqa qyzmet kórsetý salasynda qujat rásimdeý isi uzyn-sonar kezek qalyptastyratyn sharýaǵa aınalyp ketkeni jasyryn emes. Endi kúrmeýli máseleni sıfrlandyrý arqyly sheshý qarastyrylyp otyr.

«Byltyr 2,5 mln-ǵa jýyq azamat HQO arqyly tólqujat pen jeke kýálikter alǵan. Bul qyzmet ishinara avtomattandyrylyp, ony tek kóshi-qon polısııasynyń eki qyzmetkeri ǵana kórsetip keledi. Sonymen qatar qyzmet alýshylar qujattaǵy fotosýrettiń sapasyna kóńili tolmaı jıi shaǵymdanady. Sondyqtan qyzmet kórsetý oryndarynda qujattaý termınaldaryn ornatýdy usyndyq. Qujattaý termınaldary bıometrııaly júıe men túsinikti ınterfeıs­pen jabdyqtalǵan. Búginde mundaı termınaldardy qanatqaqty rejimde iske qosýǵa baılanysty IIM-men birlesken buıryqqa qol qoıý máselesi sheshilip jatyr», dedi korporasııanyń tóraǵasy.

Byltyr Kaspi.kz jáne Halyk Bank mobıldi qosymshalarynda kólikti qaıta tirkeý qyzmeti iske qosylǵanyn aıta ketken abzal. Bul arqyly kólikti tirkeý ýaqyty 15-25 mınýtqa deıin qysqardy. Bıylǵy birinshi toqsanda qosymshalar arqyly onlaın qaıta rásimdeýlerdiń úlesi 37%-ǵa jetti. Máselen, azamattar mobıldi qosymshalardyń kómegimen kólikti qaıta tirkeý qyzmetin 244 myń ret, sol sekildi eGov.kz portaly arqyly 10 myń ret paıdalanǵan.

Budan basqa júrgizýshi kýáligin alýǵa baılanysty sybaılas jemqorlyq derekterin azaıtý boıynsha da birqatar jumys qolǵa alyndy. Uıym basshysy aıtqandaı, barlyq mamandandyrylǵan HQO jańǵyrtylyp, teorııalyq emtıhan tapsyrý kezinde arnaıy bıometrııaly júıe engizildi.

«Osy tetik engizilgeli beri Qazaq­standa júrgizýshi kýáligin alǵandar sany orta eseppen 58%-ǵa tómendedi. Byltyr alǵashqy toqsanda 36 myń adam júrgizýshi kýáligin alsa, bıyl bul kórsetkish 15,2 myń adamǵa teń. Sondaı-aq avtodromdardaǵy jabdyqtar jańartylyp jatyr. Endi kishigirim apat bolǵan jaǵdaıda da kólik qajetti element durys-burys jasalǵanyn kórsetedi. Sebebi olar GPS tehnologııasy arqyly jumys isteıdi. Qazir 14 mamandandyrylǵan HQO-da avtodrom jańǵyrtyldy.

Álbette, júrgizýshi kýálikterin berýge baǵyttalǵan barlyq is-shara uzyn-sonar kezekterge ákelip soqtyrdy. Muny Shymkentte bolǵan jaǵdaıdan kórdik. Eger de buryn synaq tapsyrýshylardyń 50%-y júrgizýshi kýáligin sátti tapsyrsa, qazir besinshi múmkindikten keıin ǵana tapsyra alatyny baıqalyp otyr. Mamandandyrylǵan HQO-na túsetin júkteme artqandyqtan kezektiń de kóbeıetini belgili. Sondyqtan ınfraqurylymdy ulǵaıtýymyz qajet. Osy baǵytta jumys istep jatyrmyz. Túrkistan qalasy men atalǵan óńirde, Jańaózende jáne Arqalyqta avtodromdar ashýǵa baılanysty jedel jumys júrgizilip jatyr. IIM-men birlesip, avtomektepterdiń jaýapkershiligin kúsheıtý men synaq emtıhandaryn engizý boıynsha máseleler pysyqtalyp jatyr», dedi S.Ábdildın.

Memlekettik korporasııanyń basshysy barlyq áleýmettik tólem atalǵan uıym arqyly ótetinin, sondaı-aq bul baǵytta aýqymdy jumys qolǵa alynǵanyn aıtty. «Azamattarǵa arnalǵan úkimet» arqyly áleýmettik tólemderdiń 44 túri kórsetilip, barlyǵy 3,6 mln adamǵa járdemaqy berilip keledi. Sonymen qatar áleýmettik saladaǵy memlekettik qyzmetterdi tolyǵymen «azamattarǵa arnalǵan memleket» qaǵıdasyna sáıkes proaktıvti formatqa kóshirý josparlanyp otyr.

Qazir áleýmettik blok jelisi boıynsha 13 memlekettik qyzmet proaktıvti túrde usynylyp keledi.

«Byltyrǵy shildeden bastap balanyń týýy men onyń kútimine baılanysty járdemaqy, sondaı-aq júktilik pen bala asyrap alýǵa baılanysty tabysynan aıyrylǵan jaǵdaıda beriletin járdemaqy sekildi úsh áleýmettik tólem boıynsha eksterrıtorıaldy qaǵıdaty engizildi. Bıyl taǵy 14 memlekettik qyzmetti eksterrıtorıaldy qaǵıdasymen kórsetý qanatqaqty rejimde júzege asyrylady. Sondaı-aq bıyl taǵy áleýmettik saladaǵy 2 memlekettik qyzmetti elektrondy formatqa kóshirýdi josparlanyp otyr. Áleýmettik saladaǵy memlekettik qyzmetterdi bankterdiń mobıldi qosymshalary arqyly kórsetý jaqsy damyp jatyr. Keıingi bir jylda Kaspi.kz jáne Halyq Homebank qosymshalary arqyly 16 myń qyzmet kórsetildi», dedi «Azamattarǵa arnalǵan úkimet» memlekettik korporasııasynyń basqarma tóraǵasy.

Bankterge tólenetin komıssııa kólemi Eńbek mınıstrligimen birge ózgertilip, respýblıkalyq bıýdjettiń 4,3 mlrd teńgesi únemdeldi.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar