Qazaqstan Respýblıkasy Densaýlyq saqtaý mınıstrliginiń buıryǵy №729

2013 jylǵy 12 jeltoqsan Astana qalasy Memlekettik sanıtarııalyq-epıdemıologııalyq qadaǵalaýǵa jatatyn obektiler men ónimderdiń tizbesin jáne epıdemııalyq mańyzy bar obektilerdiń tizbesin bekitý týraly «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-babynyń 1-tarmaǵynyń 61) tarmaqshasyna, 21-babynyń 2-tarmaǵyna sáıkes buıyramyn: 1. Mynalar: 1) osy buıryqqa 1-qosymshaǵa sáıkes Memlekettik sanıtarııalyq-epıdemıologııalyq qadaǵalaýǵa jatatyn obektiler men ónimderdiń tizbesi; 2) osy buıryqqa 2-qosymshaǵa sáıkes epıdemııalyq mańyzy bar obektilerdiń tizbesi bekitilsin. 2. Qazaqstan Respýblıkasy Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti (A.S. Esmaǵambetova) osy buıryqty zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin. 3. Qazaqstan Respýblıkasy Densaýlyq saqtaý mınıstrliginiń Zań qyzmeti departamenti (D.E. Asaınova) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin ony zańnamada belgilengen tártippen resmı jarııalaýdy qamtamasyz etsin. 4. Mynalardyń: 1) «Memlekettik sanıtarııalyq-epıdemıologııalyq qadaǵalaýǵa jatatyn obektiler men ónimderdiń tizbesin bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2012 jylǵy 8 tamyzdaǵy № 561 buıryǵynyń (Normatıvtik quqyqtyq aktilerdi memlekettik tirkeý tiziliminde № 7915 bolyp tirkelgen, «Egemen Qazaqstan» gazetinde 2012 jylǵy 17 qarasha № 756-760 (27832), Qazaqstan Respýblıkasynyń ortalyq atqarýshy jáne ózge de ortalyq memlekettik organdardyń aktiler jınaǵynda 2012 jylǵy 15 qarashada № 24 jarııalanǵan); 2) «Epıdemııalyq mańyzy bar obektilerdiń tizbesin bekitý týraly» Qazaqstan Respýblıkasy Densaýlyq saqtaý mınıstriniń 2012 jylǵy 10 qyrkúıektegi № 622 buıryǵynyń (Normatıvtik quqyqtyq aktilerdi memlekettik tirkeý tiziliminde № 7946 bolyp tirkelgen, «Egemen Qazaqstan» gazetinde 2012 jylǵy 17 qarashada № 756-760 (27832) jarııalanǵan) kúshi joıyldy dep tanylsyn. 5. Osy buıryqtyń oryndalýyn baqylaý Qazaqstan Respýblıkasy Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń tóraıymy – Qazaqstan Respýblıkasynyń Bas memlekettik sanıtarlyq dárigeri A.S. Esmaǵambetovaǵa júktelsin. 6. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý  mınıstriniń mindetin atqarýshy E.BAIJÚNISOV. Qazaqstan Respýblıkasynyń Densaýlyq saqtaý mınıstriniń  2013 jylǵy 12 jeltoqsandaǵy №729 buıryǵyna 1-qosymsha Memlekettik sanıtarııalyq-epıdemıologııalyq qadaǵalaýǵa jatatyn obektiler men ónimderdiń tizbesi 1. Josparly jáne jospardan tys tekserý nysanynda jáne baqylaý men qadaǵalaýdyń ózge de nysandarynda memlekettik sanıtarııalyq-epıdemıologııalyq qadaǵalaýǵa jatatyn obektilerdiń tizbesi: 1) mektepke deıingi tárbıeleý jáne oqytý uıymdary – sábıler baqshalary jáne barlyq túrdegi bala baqshalar, balalar tolyq ýaqyt bolatyn mektepke deıingi tárbıeleý ortalyqtary; 2) bastaýysh, negizgi orta jáne jalpy orta bilim beretin uıymdar; 3) balalar úıleri, jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdary, kámeletke jetpegen balalardy beıimdeý ortalyqtary; 4) ınternat uıymdary, pansıonattar, medrese, baspanalar; 5) balalardyń saýyqtyrý jáne sanatorııalyq obektileri (maýsymdyq, jyl boıǵy); 6) balalar men jasóspirimder úshin ónimder daıyndaıtyn jáne ótkizetin obektiler (kıim, aıaq kıim, oıynshyqtar); 7) mektepke deıingi tárbıeleý uıymdarynda, ata-anasynyń qamqorlyǵynsyz qalǵan balalarǵa jáne jetim balalarǵa arnalǵan bilim berý uıymdarynda, kámeletke jetpegen balalardy beıimdeý ortalyqtarynda, ınternat uıymdarynda, pansıonattarda, medresede, baspanalarda ornalasqan qoǵamdyq tamaqtaný jáne saýda obektileri; 8) tamaq ónimderin óndiretin, óńdeıtin jáne ótkizetin qoǵamdyq tamaqtandyrý obektileri; 9) kóliktegi jáne kólik quraldaryna (temir jol, avtomobıl, teńiz, ishki sý, áýe) qyzmet kórsetetin obektilerdegi qoǵamdyq tamaqtandyrý obektileri; 10) tez buzylatyn tamaq ónimderin avtomatty daıyndaýǵa jáne ótkizýge arnalǵan apparattar; 11) saýda alańy keminde 50 sh.m obektilerdi qospaǵanda tamaq ónimderiniń kóterme, bólshektep satý obektileri; 12) tamaq ónimderin kóterme, bólshektep satý bazarlary; 13) tamaq ónimderin saqtaýǵa arnalǵan qoımalar; 14) balalar sút asúıleri; 15) sút óńdeý obektileri, daıyn sút ónimin óndirý obektileri; 16) et óńdeý obektileri, ettiń jartylaı fabrıkattaryn jáne/nemese daıyn et ónimin óndiretin obektiler; 17) balyq óńdeý obektileri, balyqtyń jartylaı fabrıkattaryn jáne/nemese daıyn balyq ónimin óndiretin obektiler; 18) maı ónimderin óndiretin obektiler; 19) kondıterlik ónimderdi óndiretin obektiler; 20) kremnen jasalǵan kondıterlik ónimderdi óndiretin obektiler; 21) unnyń jartylaı fabrıkattaryn, makaron ónimderin óndiretin obektiler; 22) alkogol ónimin (onyń ishinde sharap, syra), alkogolsiz ónim (onyń ishinde kvas, sergitetin sýsyndar) jáne syıymdylyqtarǵa ólshep-quıylǵan aýyz sý (onyń ishinde mıneraldy) óndiretin obektiler; 23) jemis óńdeý obektileri, ósimdikten alynatyn aýyl sharýashylyǵy ónimin, onyń ishinde soıa ónimin óńdeý obektileri; 24) arnaıy maqsattaǵy tamaq ónimderin jáne tamaq ónimderiniń ózge de toptaryn óndiretin jáne ótkizetin obektiler; 25) qus óńdeý obektileri, qustyń jartylaı fabrıkattaryn jáne/nemese daıyn qus ónimin óndiretin obektiler; 26) chıpsilerdi, keptirilgen nandy, júgeri taıaqshalaryn, kazınakılerdi, shemishkelerdi, qurǵaq tańerteńgilik asty, slaıstardy, qant maqtalaryn, pop-korn, qýyrylǵan jańǵaqtardy óndiretin obektiler; 27) tez buzylatyn daıyn tamaq ónimderin ólshep-oraý obektileri; 28) tamaq konsentrattaryn jáne tamaq qyshqyldaryn óndiretin obektiler; 29) ambýlatorııalyq-emhanalyq kómek kórsetetin, onyń ishinde AITV/JITS profılaktıkasy salasyndaǵy qyzmetti júzege asyratyn uıymdar; 30) stasıonarlyq kómek kórsetetin uıymdar; 31) qan qyzmeti salasyndaǵy qyzmetti júzege asyratyn uıymdar; 32) sot medısınasy jáne patologııalyq anatomııa salasyndaǵy qyzmetti júzege asyratyn uıymdar; 33) dárilik zattardy óndiretin jáne daıyndaıtyn obektiler; 34) qalpyna keltirý, sanatorııalyq em jáne medısınalyq ońaltý uıymdary; 35) adamdardyń ýaqytsha turatyn obektileri (qonaq úıler, motelder, kempıngter jataqhanalar, vahtalyq kentter); 36) ınternat úıleri (eresekterge arnalǵan), múgedekter men qarttarǵa arnalǵan; 37) teri jáne silemeıli qabyqtyń buzylýymen qyzmet kórsetetin shashtarazdar, kosmetologııalyq ortalyqtar, salondar; 38) monshalar, saýnalar, júzý basseınderi; 39) parfıýmerlik-kosmetıkalyq ónim jáne gıgıenalyq zattardy óndirý obektileri; 40) sý kózderi, sharýashylyq-aýyz sýmen jabdyqtaý úshin sý alý oryndary; 41) ortalyqtandyrylmaǵan sharýashylyq-aýyz sýmen jabdyqtaý júıeleri; 42) ortalyqtandyrylǵan sharýashylyq-aýyz sýmen jabdyqtaý júıeleri; 43) radıasııalyq-qaýipti obektileri; 44) qaýiptiliktiń 1, 2-synybynyń zııandy zattary bar salalyq ónerkásiptik obektiler; 45) hımııalyq zattar men ónimderdi, agrohımıkattardy jáne pestısıdterdi (ýly hımıkattardy), vaksınalar men basqa da ımmýndyq-bıologııalyq preparattardy saqtaýǵa arnalǵan qoımalar; 46) dezınfeksııa, dezınseksııa, deratızasııa zattary men preparattaryn, ımmýndyq-bıologııalyq, dıagnostıkalyq preparattardy daıyndaıtyn, óndiretin, óńdeıtin, saqtaıtyn, tasymaldaıtyn, paıdalanatyn jáne ótkizetin, sondaı-aq olardy paıdalanýmen baılanysty jumystar men qyzmetterdi kórsetetin obektiler; 47) kólik quraldaryna (áýe, temirjol, sý, avtomobıl) jáne jolaýshylarǵa qyzmet kórsetý obektileri. 2. Jospardan tys tekserý nysanynda jáne baqylaý men qadaǵalaýdyń ózge de nysandarynda memlekettik sanıtarııalyq-epıdemıologııalyq qadaǵalaýǵa jatatyn obektilerdiń tizbesi: 1) qosymsha bilim berý uıymdary (balalar men jastar shyǵarmashylyǵy ortalyqtary, mýzyka, sport jáne kórkemsýret mektepteri, balalar-jastar ortalyqtary, aýlalyq klýbtar, jas natýralıstter stansııa­lary, oqý-óndiristik kombınattar, oqý kýrstary men basqa da mektepten tys uıymdar), bala kútýshisiniń qyzmetteri; 2) dıplomnan keıingi bilim berý uıymdary; 3) balalardyń qysqa ýaqyt bolatyn mektepke deıingi tárbıeleý jáne oqytý uıymdary; 4) orta jáne joǵary bilim berýden keıingi, tehnıkalyq jáne kásiptik bilim berý uıymdary; 5) daryndy balalarǵa arnalǵan mamandandyrylǵan bilim berý uıymdary; 6) arnaıy bilim berý túzetý uıymdary; 7) turǵyndarǵa kompıýterler (derbes kompıýterler, planshetti derbes kompıýterler, noýtbýkter) jáne beınetermınaldar (kompıýter klýbtary) arqyly qyzmet kórsetetin obektiler; 8) alańy keminde 50 sh.m. tamaq ónimderi saýdasynyń obektileri; 9) tez buzylatyn tamaq ónimderin qospaǵanda tamaq ónimderin avtomatty daıyndaýǵa jáne ótkizýge arnalǵan apparattar; 10) tez buzylatyn tamaq ónimderin qospaǵanda daıyn tamaq ónimderin ólshep-oraý obektileri; 11) sút daıyndaý obektileri (sút-taýar fermalary, sút bloktary, sút qabyldaý pýnktteri); 12) shaı óndirý obektileri; 13) ashytqy, jelatın óndiretin obektiler; 14) mal soıý obektileri; 15) aspazdyq jáne ıodtalǵan tuzdardy óndiretin obektiler; 16) un tartý obektileri; 17) nan jáne nan-toqash ónimderin pisiretin obektiler; 18) krahmaldy-sirneli ónimderdi, krahmal óndiretin obektiler; 19) qant óndiretin obektiler; 20) dárilik zattardy, medısınalyq maqsattaǵy buıymdardy, medısınalyq tehnıkany kóterme jáne bólshektep satý obektileri; 21) jedel medısınalyq járdem jáne sanıtarııalyq avıasııa uıymdary; 22) apattar medısınasy uıymdary; 23) pallıatıvtik kómek jáne meıirbıke kútimin kórsetetin uıymdar; 24) dástúrli emes jáne halyq medısınasy obektileri; 25) teri jáne silemeı qabyqtardy buzbaı qyzmet kórsetetin shashtarazdar, kosmetıkalyq ortalyqtar, salondar; 26) kir jýý, kıim tazalaý oryndary; 27) jeke turǵyn úılerdi qospaǵanda turǵyn úı ǵımarattary, ákimshilik maqsattaǵy ǵımarattar; 28) sý qubyryna, kárizge, jylý júıelerine qyzmet kórsetý obektileri, qazandyqtar; 29) óndiristik jáne turmystyq tehnıkany jóndeý obektileri; 30) mádenı oıyn-saýyq obektileri; 31) sporttyq-saýyqtyrý mekemeleri; 32) turǵyn jáne qoǵamdyq ǵımarattardy, keńselerdi paıdalaný uıymdary, úılerdi basqarý uıymdary, úı-jaı ıeleriniń kooperatıvteri; 33) saıabaqtar; 34) ekinshi sanattaǵy sý qoımalary, jaǵajaılar; 35) kárizdik tazartý qurylystary men jelileri (onyń ishinde jaýyn shashyn); 36) qaldyqtardy, onyń ishinde medısınalyq qaldyqtardy jınaý, saqtaý, tasymaldaý, joıý, suryptaý, óńdeý, zalalsyzdandyrý jáne kádege jaratý obektileri; 37) beıitter, jerleýge arnalǵan obektiler; 38) qoǵamdyq dárethanalar; 39) zerthanalardyń barlyq túrleri; 40) óndiristik maqsattaǵy qurylystar, óndiristik obektilerdiń sanıtarııalyq qorǵanysh aımaǵy; 41) ónerkásiptik jáne azamattyq maqsattaǵy salynyp jáne qaıta jańǵyrtylyp jatqan obektiler, kúrdeli jóndeý obektileri, qurylys alańdary; 42) radıotehnıkalyq obektiler, radıoelektrondyq quraldary bar obektiler; 43) kólik quraldary (jolaýshylardy, tamaq ónimderin, azyq-túlik shıkizattaryn, sharýashylyq-aýyz sýdy, radıoaktıvti, qaýipti, hımııalyq jáne ýytty zattardy tasymaldaý úshin paıdalanylatyn temirjol, avtomobıl, teńiz ishki sý, áýe); 44) parfıýmerııalyq-kosmetıkalyq ónimderdi, gıgıena quraldary men balalarǵa arnalǵan taýarlardy saqtaý qoımalary. 3. Memlekettik sanıtarııalyq-epıdemıologııalyq qadaǵalaýǵa jatatyn ónimderdiń (taýarlardyń), qorshaǵan orta obektileriniń, óndiristik orta obektileriniń tizbesi: 1) tamaq ónimderi (adam tamaqqa qoldanatyn tabıǵı nemese óńdelgen túrdegi ónimder), onyń ishinde Keden odaǵynyń Syrtqy ekonomıkalyq qyzmetiniń biryńǵaı taýarlyq nomenklatýrasynyń (budan ári – KO SEQ TN) mynadaı: 02-05, 07-25, 27-29, 32-34, 35 toptarynyń gendik-ınjenerlik túrlendirilgen (transgendik) organızmderin paıdalana otyryp alynǵan tamaq ónimderi; 2) balalarǵa arnalǵan taýarlar: oıyndar men oıynshyqtar, tósek ábzelderi, kıim, aıaq kıim, jıhaz, arba, sómkeler (arqaǵa asatyn sómke, rıýkzaktar, portfelder jáne), kúndelikter men soǵan uqsas buıymdar, dápterler, basqa da qaǵazdan jáne kartonnan jasalǵan keńse taýarlary, keńse quraldary nemese balalar assortımenti taýarlaryn daıyndaýǵa arnalǵan jasandy polımer jáne sıntetıkalyq mektep materıaldary (mynadaı toptardan KO SEQ TN: 32, 34, 39, 40, 42-44, 46, 48-56, 60-65, 87, 94, 95); 3) sharýashylyq-aýyz sýmen jabdyqtaý salasynda jáne júzý basseınderindegi shaıyndy sýlardy tazalaý kezinde paıdalanylatyn materıaldar, jabdyq, zattar, qurylǵylar (mynadaı toptardan KO SEQ TN: 25, 38-40, 48, 84, 85); 4) parfıýmerlik-kosmetıkalyq zattar, aýyz qýysy gıgıenasynyń zattary (mynadaı toptan KO SEQ TN 33); 5) óndiristik maqsattaǵy hımııalyq jáne munaı-hımııa ónimderi, turmystyq hımııa taýarlary, lak-boıaý materıaldary (mynadaı toptardan KO SEQ TN: 32-34, 38); 6) qurylysta, kólikte paıdalanýǵa, sondaı-aq jıhazdar men basqa da úıde tutynatyn zattardy daıyndaýǵa arnalǵan polımerlik, sıntetıkalyq jáne ózge de materıaldar; jıhaz; quramynda hımııalyq talshyqtar men tekstıl qosalqy zattary bar tekstıl tigin jáne toqyma materıaldary; kıimder men aıaq kıimder daıyndaýǵa arnalǵan jasandy jáne sıntetıkalyq bylǵarylar jáne tekstıl materıaldary (mynadaı toptardan KO SEQ TN: 32, 39, 40, 42-44, 45, 46, 48, 50, 51, 52, 53, 54, 55-59, 60, 69, 94); 7) kólik quraldarynyń jáne turmystyq tehnıkanyń qosalqy bólshekterinen basqa (aýyz sýmen jáne tamaq ónimimen janasatyndardy qospaǵanda) óndiristik, medısınalyq jáne turmystyq maqsattaǵy mashına jasaý jáne aspap jasaý ónimderi (mynadaı toptardan KO SEQ TN: 38, 84, 85, 90, 94); 8) baspa ónimi: jalpy bilim beretin orta jáne joǵary oqý oryndaryna arnalǵan oqý basylymdary men kórneki quraldary, balalar men jasóspirimderge arnalǵan kitap jáne jýrnal basylymdary (mynadaı toptardan KO SEQ TN: 48, 49); 9) óndirý prosesinde óńdeýge (boıaýǵa, sińdirýge jáne) jatatyn tabıǵı shıkizattan jasalǵan materıaldar (mynadaı toptardan KO SEQ TN: 25, 43, 44, 46, 50-53); 10) adamnyń denesimen janasatyn buıymdarǵa (buıymǵa) arnalǵan materıaldar, kıim, aıaq kıim (mynadaı toptardan KO SEQ TN: 30, 39, 40, 42, 43, 48, 50-60, 61-65, 67, 68, 82, 96); 11) ıondaýshy sáýlelený, onyń ishinde sáýle shyǵarý kózderi bolyp tabylatyn ónim, buıym, sondaı-aq quramynda radıoaktıvti zattar bar buıymdar men materıaldar (mynadaı toptardan KO SEQ TN: 25, 26, 28, 68, 69, 72, 74-76, 78-81, 84, 87); 12) quramyndaǵy radıoaktıvti zattar, onyń ishinde qaıta óńdeýge jáne halyq sharýashylyǵynda paıdalanýǵa arnalǵan óndiristik qaldyqtar gıgıenalyq normatıvtermen reglamentteletin qurylys shıkizaty jáne materıaldary, qara jáne tústi metall synyqtary (metall synyǵy) (mynadaı toptardan KO SEQ TN: 25, 26, 28, 68, 69, 72, 74-76, 78-81, 84, 87); 13) temeki buıymdary men temeki shıkizaty (mynadaı toptan KO SEQ TN 24); 14) jeke qorǵanysh quraldary (mynadaı toptardan KO SEQ TN: 39, 40, 64, 65, 90); 15) pestısıdter men agrohımıkattar (mynadaı toptardan KO SEQ TN: 31, 38); 16) tamaq ónimderimen janasatyn materıaldar, buıymdar jáne jabdyq (mynadaı toptardan KO SEQ TN: 39, 40, 44, 45, 46, 47, 48, 56, 63, 69, 70, 73, 74, 76, 82, 85, 96); 17) aýa daıyndaýǵa, aýa tazartýǵa jáne súzgileýge arnalǵan jabdyq, materıaldar (mynadaı toptardan KO SEQ TN: 38-40, 48, 52-56, 59, 60, 84, 85); 18) muzdaqqa qarsy reagentter (mynadaı toptan KO SEQ TN 38); 19) zańnamada belgilengen tártipke sáıkes olarǵa qatysty ýaqytsha sanıtarııalyq sharalar engizilgen ózge de taýarlar (mynadaı toptardan KO SEQ TN: 02-96). Qazaqstan Respýblıkasynyń Densaýlyq saqtaý mınıstriniń 2013 jylǵy 12 jeltoqsandaǵy №729 buıryǵyna 2-qosymsha Epıdemıologııalyq mańyzy bar obektilerdiń tizbesi 1. Balalar sút asúıleri. 2. Balalardy saýyqtyrý jáne sanatorııalyq obektiler (jyl boıǵy, maýsymdyq). 3. Balalar úıleri, jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdary, kámelet jasqa tolmaǵan balalardy beıimdeý ortalyqtary. 4. Mektepke deıingi tárbıeleý uıymdarynda, ata-anasynyń qamqorlyǵynsyz qalǵan balalarǵa jáne jetim balalarǵa arnalǵan bilim berý uıymdarynda, kámeletke jetpegen balalardy beıimdeý ortalyqtarynda, ınternat uıymdarynda, pansıonattarda, medresede, baspanalarda ornalasqan qoǵamdyq tamaqtaný jáne saýda obektileri; 5. Kremnen jasalǵan kondıterlik ónimderdi óndiretin obektiler. 6.Mynadaı: 1) onkologııalardy aýrýhanalardy (dıspanserlerdi), narkologııalardy aýrýhanalardy (dıspanserlerdi, medısınalyq-áleýmettik ońaltý ortalyqtaryn), psıhıatrııalyq aýrýhanalardy (dıspanserlerdi) qospaǵanda stasıonarlyq kómek kórsetetin; 2) qan qyzmeti salasyndaǵy qyzmetti júzege asyratyn; 3) AITV/JITS-tyń aldyn alý salasyndaǵy qyzmetti júzege asyratyn uıymdardy qospaǵanda ambýlatorııalyq-emhanalyq kómek kórsetetin uıymdar. 7. Kóliktegi (temir jol, teńiz, ishki sý, áýe) qoǵamdyq tamaqtaný obektileri. Buıryq Qazaqstan Respýblıkasynyń Ádilet mınıstrliginde 2014 jylǵy 27 qańtarda Normatıvtik quqyqtyq kesimderdi memlekettik tirkeýdiń tizilimine №9100 bolyp engizildi.