Bank sektoryna qatysty ótinishter jalpy kelip túsken ótinishterdiń 76 paıyzyn quraıdy. Sonymen qatar ótinishterdiń 12 paıyzy – mıkroqarjy uıymdaryna, 2 paıyzy – saqtandyrý kompanııalaryna, 3 paıyzy – kollektorlyq agenttikterge jáne 7 paıyzy ózge uıymdarǵa baılanysty.
Agenttik búkil ótinishterdi qarastyra kelip, jalpy somasy 9,3 mln teńgege 45 hattama boıynsha 6 usynymdyq qadaǵalap den qoıý sharalaryn, 6 jazbasha uıǵarym jáne 15 ákimshilik jaza qoldanǵan.
Daralap aıtqanda, ekinshi deńgeıdegi bankterge – 0,6 mln teńge somaǵa ákimshilik quqyqbuzýshylyq týraly 1 hattama boıynsha 6 usynymdyq qadaǵalap den qoıý sharasy, 1 ákimshilik jaza, bank operasııalarynyń jekelegen túrlerin júzege asyratyn uıymdarǵa – 0,1 mln teńge somaǵa ákimshilik quqyq buzýshylyq týraly 1 hattama boıynsha 1 ákimshilik jaza, kollektorlyq agenttikterge – jalpy somasy 6,6 mln teńgege ákimshilik quqyq buzýshylyqtar týraly 34 hattama boıynsha 9 ákimshilik jaza, mıkroqarjylyq qyzmetti júzege asyratyn uıymdarǵa – jalpy somasy 2,0 mln teńgege ákimshilik quqyqbuzýshylyq týraly 9 hattama boıynsha 6 jazbasha uıǵarym, 4 ákimshilik jaza qoldanylady.
Sonymen qatar 2004-2009 jyldar aralyǵy kezeńinde ıpotekalyq qaryzdar alǵan qaryz alýshylardyń jalǵyz turǵyn úıin saqtaýǵa baǵyttalǵan Ipotekalyq turǵyn úı qaryzdaryn (ıpotekalyq qaryzdardy) qaıta qarjylandyrý baǵdarlamasynyń birinshi bóliginiń sheńberinde bankter 2022 jylǵy 1 naýryzdaǵy jaǵdaı boıynsha 193,6 mlrd teńge somaǵa qaıta qarjylandyrýǵa 29 993 ótinimdi maquldapty.
183,5 mlrd teńge somaǵa 29 063 qaryz qaıta qarjylandyryldy, onyń ishinde 2020 jyldan bastap 25,2 mlrd teńge somaǵa 2 413 qaryz qaıta qarjylandyrylǵan.
«Baǵdarlamanyń ekinshi bóligi sheńberinde bankter 2020 jylǵy jeltoqsanda 2016 jylǵy 1 qańtarǵa deıin berilgen valıýtalyq ıpotekalyq qaryzdardy aıyrbastaýdy aıaqtady. Baǵdarlamanyń birinshi jáne ekinshi bólikterin iske asyrý kezeńinde bankter 222,6 mlrd teńge somaǵa 27 202 valıýtalyq ıpotekalyq qaryzdy aıyrbastady. Baǵdarlamanyń úshinshi bóligi sheńberinde bankter 2021 jylǵy jeltoqsanda HÁOT sanaty boıynsha qaryzdary Baǵdarlama sheńberinde buryn qaıta qarjylandyrylǵan ıpotekalyq qaryz alýshylarǵa qaryz alýshynyń bereshegin azaıtý jáne óteýdiń jeńildikti kestelerin belgileý túrindegi qosymsha kómek kórsetý, sondaı-aq banktiń balansynda turǵan jalǵyz turǵyn úıdi qaryz alýshynyń menshigine qaıtarý boıynsha jumysty aıaqtady. Halyqtyń áleýmettik osal toptary sanatynan shamamen 8 myń qaryz alýshyǵa 50,9 mlrd teńge somaǵa qosymsha kómek kórsetildi», delinedi agenttik habarlamasynda.
