Qytaı áıeli kúıeýine unaý úshin jasandy omyraý jasatty

Qytaıda turatyn Tıan Hýeı degen áıel basqa bir kelinshekpen ámpeıi bolyp júrgen kúıeýimen qarym-qatynasyn qaıtadan qalpyna keltirip alý úshin omyraýyna plastıkalyq ota jasatamyn dep bálege qaldy. Bul týraly «Ýtro.ru» saıty habarlady. Negizinen áıel erli-zaıyptylyq ómirin saqtap qalý maqsatynda jasatqan otasynan nátıje shyǵara alǵan. Shynymen jubaıynyń keýdesinde «tompıǵan» zattyń paıda bolǵanyn kórgen kerdeń kúıeý shańyraǵyna qaıta oralǵan. Biraq shamalydan keıin-aq áıeldiń qoldan qondyrylǵan ımplantasııa omyraýy bir ornynda turmaı, qozǵalyp kete beretin qylyq shyǵara bastaǵan. Sodan bastap 39 jastaǵy Tıan Hýeıden de maza qashqan. Ol bir kúni tańerteń turǵanynda tipti omyraýyn tappaı da qalady. Tek aına aldyna barǵanda ǵana bir omyraýynyń qarnynda, ekinshisiniń arqasynda turǵanyn kóredi. Osydan keıin áıel dárigerdiń kómegine qaıta júginedi. Medıkter anyqtaǵandaı, onyń omyraýyna ota jasalǵanda ýlaǵysh zat qoldanylypty. Qytaıda osydan 10 jyl buryn bul preparatty paıdalanýǵa tyıym salǵan eken. Dárigerler osydan keıin Tıan Hýeıge qaıtadan ota jasap, onyń ýly «omyraýyn» alyp tastap, ornyna jańasyn qoıyp bergen. Osylaısha qyryqtyń qyrqsyna jaqyndaǵan Tıan Hýeı kúıeýimen qarym-qatynasyn óz densaýlyǵynan joǵary qoıamyn dep ábigerge túsken. Qytaı áıeliniń aıtýynsha, óziniń bul áreketi kúıeýin selt etkize qoımapty. Jalpy, adam tánine ımplantasııa jasaıtyn «jaısańdar» óz klıentterin jıi-jıi yńǵaısyz jaǵdaıǵa qaldyrady eken. Osydan birneshe jyl buryn ımplantasııa jasaýshylar amerıkalyq modeler Shavon Torrespen óte qatty «ázildesken» bolatyn. Shoý-dýmandy beıne kameraǵa túsirý jumystarynyń ústinde Shavon Torrestiń kólemi úlken etip jasalǵan omyraýy jarylyp ketken. Baǵyna oraı, dárigerler ony aman alyp qalǵan. Joldybaı Bazar. Derekkóz: Ýtro.ru. Foto: FederalPost.