Qalalyq polısııanyń baspasóz qyzmetiniń málimetinshe, tártip saqshylarymen kezdesken Marat Qojaev polısııanyń jumys atqarýy men tártip jaǵdaıyna qatysty birqatar máseleni synǵa aldy. Qalalyq PD bastyǵy Qaırat Dálbekovke «der kezinde baqylaýǵa almaǵany úshin» Ishki ister mınıstriniń buıryǵymen sógis jarııalandy.
PD basshylyǵyn tártiptik jaýapkershilikke tartýǵa polısııa qyzmetkerleri jasaǵan qylmystar men quqyq buzýshylyqtar sebep boldy. Olardyń arasynda jergilikti polısııa qyzmetiniń eks-bastyǵy, rota komandıri jáne patrýldik polısııa polkiniń eki qyzmetkeri jáne Abaı aýdandyq polısııa basqarmasynyń qyzmetkerleri bar. Jeke qurammen jumys isteý mindetine kiretin kadr apparatyna qatysty da qatań sharalar qabyldanatyn bolady.
«Prezıdenttiń Joldaýyn iske asyrý maqsatynda polısııa qatarynda dórekilikke, sybaılastyqqa jáne tamyr-tanystyqqa oryn joq. Qazirgi tańda biz ishki ister organdarynyń adal, ádil, eńbekqor jáne taza qyzmetkerlerin qoldaımyz jáne olardyń jumysyn ilgerileý úshin jaǵdaı jasaımyz. Azamattardyń konstıtýsııalyq quqyqtaryn saqtaý jáne zań ústemdigin ornatý – bizdiń basty mindetimiz», dedi mınıstr orynbasary.
