Álem • 13 Mamyr, 2022

ShYU keńistiginde aımaqtyq logıstıkalyq ortalyqtar qurylady

13 ret kórsetildi

QR IIDM basshysy ShYU-ǵa múshe memleketter transport mınıstrleriniń toǵyzynshy kezdesýine qatysty, dep habarlaıdy Egemen.kz.

Alqaly basqosý О́zbekstannyń tóraǵalyǵymen Hıva qalasynda ótti.

Jıynda QR Indýstrııa jáne ınfraqurylymdyq damý mınıstri Qaıyrbek О́skenbaev ShYU aımaǵynda transport salasyndaǵy ózara tıimdilikke negizdelgen yntymaqtastyqty nyǵaıtýǵa baılanysty Qazaqstannyń ustanymyn jetkizdi. Sondaı-aq vedomstvo basshysy eldegi taýar tasymalynyń búgingi ósimi týrasynda baıandap, respýblıkanyń óz tranzıttik-logıstıkalyq áleýetin arttyrý baǵytynda, avtokólik jáne temir jol tasymal dálizderi men Transkaspıı halyqaralyq kólik marshrýtyn damytý turǵysyndaǵy naqty qadamdar týraly jan-jaqty áńgimeledi.

,

«Transport salasyndaǵy jahandyq ózgerister kezeńinde Qazaqstan kólik dálizderiniń tranzıttik áleýeti men ınfraqurylymyn damytýǵa úlken basymdyq berýde. Bul óz kezeginde tranzıttik tasymaldyń jyldamdyǵy men sapasyn arttyrýǵa tyń serpin bermek. Sońǵy 15 jylda Qazaqstanda tasymaldaý salasyna 35 mlrd dollar kóleminde qarjy bólinip, 2 jarym myń shaqyrymdy quraıtyn jańa temir jol paıdalanýǵa berildi. Sonymen qatar 13 myń shaqyrymnan astam avtokólik joldary salynyp, qaıta jóndeldi», dedi Q. О́skenbaev.

Qaıyrbek О́skenbaev óz sózinde búginde Indýstrııa jáne ınfraqurylymdyq damý mınıstrliginiń Transkaspıı halyqaralyq kólik marshrýtyn damytý, «Aqtaý teńiz porty» arnaıy ekonomıkalyq aımaǵynda konteınerlik habty qurý, Batys Eýropa – Batys Qytaı kólik dáliziniń ınfraqurylymyn jetildirý baǵyttarynda atqaryp jatqan aýqymdy sharalaryn nazarǵa aldy. Sondaı-aq ol memlekettik shekaradan ótkizý pýnkteriniń belsendiligin arttyrý oraıynda júrgizilip jatqan jańǵyrtý jumystary men modernızasııaǵa da toqtaldy.

Spıker Qazaqstan aldaǵy ýaqytta ózara áriptestikti arttyrý men tıimdi kólik dálizin qurý baǵytyndaǵy yntymaqtastyqty, ShYU-ǵa múshe memleketterdiń avtokólik joldaryn damytýǵa baılanysty barlyq bastamalaryn qoldaýǵa múddeli ekendigin jetkizdi.

Transport salasyndaǵy mınıstrlerdiń toǵyzynshy kezdesýi barysynda delegasııa basshylary kópjaqty tasymaldaýdy damytýdaǵy yntymaqtastyqtyń tıimdi tustary men qazirgi jaǵdaıy jaıynda pikir almasty. ShYU-nyń tranzıttik áleýetin tıimdi paıdalanýdyń basymdyqtaryna toqtalyp, júk tasymaldaý salasyn sıfrlandyrý men tasymaldaý úderisiniń biryńǵaı aqparattyq keńistigin qurýdyń mańyzdy tustaryna nazar aýdardy.

Sonymen qatar jıyn barysynda ShYU keńistiginde aımaqtyq logıstıkalyq ortalyqtar qurý men olardyń qurylysyna qoldaý kórsetý týraly, halyqaralyq jolaýshylar tasymaly kezinde qatań epıdemılogııalyq talaptardy birtindep alyp tastaý jaıynda ózara ýaǵdalastyqqa qol jetkizilip, tıisti sheshimder qabyldandy.

Qatysýshylar transport salasynda tıimdi yntymaqtastyqty damytý men nyǵaıtý boıynsha arnaıy jumys tobyn qurýdy maquldap, tasymaldaý jáne logıstıka salalaryndaǵy turaqty ózara yqpaldastyqty arttyrýǵa baǵyttalǵan birqatar kelisim, memorandým men konsepsııalardy qaıta qarady.

Jıyn qorytyndysy boıynsha tıisti hattamaǵa qol qoıyldy.

Sońǵy jańalyqtar

О́rleýge bastaıtyn ózgeris

Referendým-2022 • Keshe

Altyn satyp alýdyń mańyzy

Ekonomıka • Keshe

Kókeıkesti máseleler tyńdaldy

Referendým-2022 • Keshe

Assambleıa jastary reformany qoldaıdy

Referendým-2022 • Keshe

Qan qysymy «jasaryp» barady

Medısına • Keshe

Ult ustazyna bókeılikterdiń qurmeti

Ahmet Baıtursynuly • Keshe

Aıdynǵa aqsaqa jiberildi

Aımaqtar • Keshe

Taýpisteli taǵylymy

Aımaqtar • Keshe

Talant rýhyna taǵzym

О́ner • Keshe

Aktrısa – aqtarylý

О́ner • Keshe

Yryzdyq joryǵynyń jampozdary

Aımaqtar • Keshe

Uqsas jańalyqtar