Aımaqtar • 13 Mamyr, 2022

SQO-da sońǵy bir aptada 86 adamdy kene shaqqan

61 ret kórsetildi

Soltústik Qazaqstan oblysynda kene shaǵý ótken jyldyń sáıkes merzimimen salystyrǵanda 1,8 ese artqan. Kún jylynǵaly 260 adam dárigerdiń kómegine júgindi, dep habarlaıdy Egemen.kz.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, kene shaqqan alǵashqy adam naýryz aıynda emhanaǵa qaralǵan. Osy kúnge deıin jándikten 260 adam zardap shekse, sonyń 82-si – 14 jasqa deıingi bala.

О́tken jyldyń uqsas kezeńimen salystyrǵanda kene shaǵý kórsetkishi 1,8 ese ósken. Tek sońǵy aptada 86 adamǵa, sonyń ishinde 24 balaǵa dárigerdiń kómegi qajet boldy.

«Byltyr kene ensefalıti 9 adamnan anyqtalsa, bıyl bul aýrý tirkelgen joq. Kene ensefalıti - ortalyq júıke júıesiniń basym bóligin zaqymdaıtyn jiti ınfeksııalyq aýrý. Ony ıksodtik keneler taratady. Qorǵaný úshin turǵylyqty jeri boıynsha tirkelgen emhanada vaksına qoıdyrýǵa bolady, biraq ekpe almas buryn dárigerge kóringen jón», deıdi oblystyq sanıtarııalyq-epıdemıologııalyq baqylaý departamentiniń bas mamany Aınash Saǵandyqova.

Mamannyń aıtýynsha, tabıǵat aıasyna shyqqanda saqtyq sharalaryn umytpaǵan jón.

«Ádette kene adamǵa shópten nemese butadan jabysady. Olar 1,5 metrden joǵary kóterilmeıdi, sondyqtan adamnyń aıaǵyna jabysyp, sorýǵa yńǵaıly oryn izdep joǵary qaraı órmeleıdi. Kene adamdy birden shaqpaıdy, deneden kózge túse qoımaıtyn oryn izdeıdi. Sondyqtan ormannan nemese daladan kelgennen keıin deneni durystap teksergen jón. Sondaı-aq tabıǵat aıasyna shyǵar aldynda arnaıy krem-gelderdi, aerozolderdi qoldanýǵa keńes beremin», deıdi Aınash Saǵandyqova.

Kene shaǵyp alǵan jaǵdaıda medısınalyq kómek alý úshin turǵylyqty jeri boıynsha emhanaǵa barý qajet.

Sońǵy jańalyqtar

О́rleýge bastaıtyn ózgeris

Referendým-2022 • Keshe

Altyn satyp alýdyń mańyzy

Ekonomıka • Keshe

Kókeıkesti máseleler tyńdaldy

Referendým-2022 • Keshe

Assambleıa jastary reformany qoldaıdy

Referendým-2022 • Keshe

Qan qysymy «jasaryp» barady

Medısına • Keshe

Ult ustazyna bókeılikterdiń qurmeti

Ahmet Baıtursynuly • Keshe

Aıdynǵa aqsaqa jiberildi

Aımaqtar • Keshe

Taýpisteli taǵylymy

Aımaqtar • Keshe

Talant rýhyna taǵzym

О́ner • Keshe

Aktrısa – aqtarylý

О́ner • Keshe

Yryzdyq joryǵynyń jampozdary

Aımaqtar • Keshe

Uqsas jańalyqtar