Qazir oqıǵa ornynda oblys ákiminiń birinshi orynbasary, shtab jetekshisi Lazzat Turlashov pen oblys ákiminiń orynbasary Batyrjan Baıjumanov júr.
Laı kóshkininen zardap shekken otbasylar ýaqytsha mekenge ornalastyryldy jáne basqa da qajetti kómek kórsetilýde. Oqıǵanyń naqty sebepteri anyqtalyp jatyr. Sonyń nátıjesi boıynsha tıisti sharalar qabyldanatyn bolady.
Eske salsaq, búgin tús kezinde Tekelide laı kóshkini bolǵan. 5 úı batpaq úıindisiniń astynda qalyp, sonyń ishinde bir úı tolyǵymen batyp ketken. Osy úıdegi 5 jasar búldirshin iz-túzsiz joǵalyp, oqıǵa ornynda ýchaskelerge bólinip, arnaıy mamandar men qutqarýshylar jumys istedi. Izdeý jumysyna kınologııalyq qyzmetti jumyldyrǵannan keıin úıindi arasynan 5 jastaǵy qyzdyń denesi tabyldy.
