Aımaqtar • 16 Mamyr, 2022

Jyr arqaýy – «Qanatty qyz»

365 ret kórsetildi

Qazaqtyń qaısar qyzynyń biri – «Halyq qaharmany» Hıýaz Dospanova. Oraldaǵy mektepte oqyp júrgende-aq aeroklýbtaǵy kýrsta tálim alady. Osylaısha, ushaq shtýrvalyn meńgerýdi ańsaǵan qazaq qyzy 1940 jyly Máskeýdegi Jýkovskıı atyndaǵy áskerı-áýe ushqyshtaryn kásibı turǵyda oqytatyn joǵary bilim ordasyna túspek bolady. Alaıda oqý ornynyń basshylary munda tek erlerge jol ashyq ekenin jeleý etip, qazaq qyzyn keýdesinen keri ıteredi.

О́jettigi de, qazaqqa tán qaı­sar­lyǵy da basym Hıýaz Dos­pa­nova Máskeýdiń medısı­na­lyq ınstıtýtyna qujatyn tap­sy­ryp, oqýǵa túsken. Adam jany­nyń arashashysy bolý úshin dárigerlik kásiptiń qyr-syryna den qoıǵanyna bir jyl ótkende Ekinshi dúnıejúzilik soǵys bas­talyp, jer-jahan alasapyranǵa aınaldy. Adamzattyń erteńi bulyńǵyr tartqan qıyn kezeńde ol maıdanǵa  medbıke, ne sanıtar bolyp barýǵa suranady. Mine, osy sátte qyz-kelinshekterdiń avıapolki qurylǵanyn qulaǵy shalady. Polk basshylyǵyna Oraldaǵy aeroklýbta meńgergen ushý daǵdylaryn ójettikpen kórsetip, ushqyshtar quramyna qabyldandy.

Qaısar qyz ushqysh Marına Raskova basqarǵan 46-gvardııalyq polkiniń quramynda 300-den astam áýe shaıqasyna qatysty. Maıdandastary qazaq qyzynyń erligine tánti bolyp, «qanatty qyz» ataǵan Hıýaz Dospanovanyń týǵanyna 100 jyl toldy. Osy­ǵan oraı Atyraý oblystyq má­denıet, tilderdi damytý jáne arhıv isi basqarmasy men halyq shyǵarmashylyǵy ortalyǵy jas aqyndardyń oblystyq mú­sháırasyn ótkizdi. Eki kezeńnen turatyn músháıraǵa 15 jas aqyn qatysty.

– Músháıranyń alǵashqy ke­zeńinde jas aqyndar batyrdyń tulǵalyq bolmysyn, erligin nasıhattaıtyn, buryn jarııalanbaǵan shyǵarmasyn usyndy. Al ekin­shi kezeńde el birligi men ta­týlyqty arqaý etken óleń ja­zyp berdi. Árıne, ár saıys­ta oza shabatyndar da, qalys qalatyndar da bar. Ásirese, óleń jazý erikkenniń ermegi emes. Aqyndyq joldy tańdaǵandar óleńniń uıqasyna da, mazmunyna da mán berýi kerek. Qoıylǵan talapty buljytpaı oryndaý – negizgi shart. Bul músháıraǵa jas aqyndar osy qaǵıdany oryn­daýǵa tyrysty. Alaıda áli de shyǵarmashylyq izdenisti es­­keretin aqyndar kezdesti, – deıdi Qazaqstannyń eńbek sińir­­gen qaıratkeri, Qazaqstan Ja­zýshylar odaǵy Atyraý ob­lystyq fılıalynyń dırekto­ry Qoıshyǵul Jylqyshıev.

Atyraýdyń aqyn qyzdarynyń biri Baqytgúl Babash jas aqyn­darǵa poezııadaǵy talǵam men talap týraly baǵyt-baǵdar berdi. Qazylardyń sheshimimen Dıana Izbasarova men Nurlybek Amandyqov, Erkebulan Zı­­ne-
denov, Nurdáýlet Jylqyshy úshin­shi oryndy ıelendi. Ekinshi júl­dege Ázilhan Quranbaı men Iman­ǵalı Bógetbaı ıe boldy. Al Aqtilek Abaeva birinshi orynǵa, Farıza Jetpisbaeva bas júldege laıyq dep tanyldy.

 

Atyraý oblysy

Sońǵy jańalyqtar

Almatyda qala qurylysynyń keńesi quryldy

Aımaqtar • Búgin, 17:22

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Uqsas jańalyqtar