Jeńis ánderi bárimizge qymbat

Aldaǵy 9 mamyr – Jeńis kúnine oraı «Jastar bastamalaryn damytý ortalyǵy» «Jeńiske deıin 30 kún» atty shara arqyly úılerine baryp, soǵys ardagerlerin quttyq­taýda. Al mereke «Máńgilik polk» atty azamattyq-patrıottyq sharalarynan bastalady. Bul sharanyń maqsaty – soǵysqa qatysqan sarbazdar jolyn búgingi urpaqqa jetkizý. Qalalyq ákimdiktiń baspasóz qyzmetiniń habarlaýynsha, «Máń­gilik polk» sharasy barysynda balalary, nemereleri, shóbereleri soǵys ardagerlerimen bir qatarda olardyń sýretterin qoldaryna ustap, sap túzep júredi. Sonymen birge, bul sharaǵa oblys orta­ly­ǵynda «Jeńis ánderi» atty pat­rıottyq joba qosyldy. Jobada kórsetilgendeı, oblys turǵyndary ortalyq alańda mereke kúnderi karaokemen kópke belgili soǵys kezinde týǵan patrıottyq ánderdi shyrqaıdy. – Úsh apta boıy soǵys jyldary týǵan jáne patrıottyq ánderge daýys beriledi. Qala turǵyndary patrıottyq rýhtaǵy ánderdi ózderi tańdaıdy. Biz soǵysty kórgen joq­­pyz. Atalarymyzdan estip ós­tik. Biraq, «Jeńis ánde­ri» bizge de jaqyn, – deıdi uıym­das­­ty­rý­shy­lardyń biri Ásııa Taqy­bae­va. Daýys berý aıaqtalǵan soń 20 án toptamasy anyqtalyp, 9 Ma­myr kúni «halyqtyq karaoke» uıym­dastyrylady. Merekege kelgen qo­naqtarǵa ánder jınaǵy syıǵa tar­tylady. Alańǵa jınalǵan jurt­shylyqqa ár ánniń reti men mátini kórsetiletin ekrandar ornatylady. Farıda Byqaı, «Egemen Qazaqstan». PAVLODAR.