Qoǵam • 17 Mamyr, 2022

Referendýmǵa bólingen 16,4 mıllıard teńge qalaı jumsalady

46 ret kórsetildi

Ortalyq saılaý komıssııasynyń múshesi Sábıla Mustafına referendýmǵa bólingen qarjynyń qalaı jáne qaıta jumsalatyny aıtty, dep habarlaıdy Egemen.kz.

«Referendým shyǵystarynyń 79 paıyzy komıssııa músheleriniń jalaqasyn tóleýge baǵyttalady. Ne sebepti bul baǵytqa qomaqty qarajat qarastyrylǵan? Bul kólem Prezıdent, Májilis saılaýlary sııaqty aýqymdy naýqandy ótkizý kezinde jumsalǵan qarajat somasynyń deńgeıinde. Atalǵan 79 paıyz ýchaskelik jáne aýmaqtyq komıssııalardyń 71 myńǵa jýyq múshesiniń jalaqysyn qamtamasyz etýge bólinedi. Eńbekaqyny tóleý deńgeıinde el boıynsha ortasha jalaqy kórsetkishi eskerilgen», dedi S. Mustafına OSK-da ótken baspasóz máslıhatynda.

Osy oraıda ol referendým ótkizýge respýblıkalyq bıýdjetten 16,4 mlrd teńge qarastyrylǵanyn eske saldy.

«Jalaqy tólemi jumys istegen ýaqytqa saı júrgiziledi. Komıssııa músheleriniń barlyǵy birdeı deńgeıde jumys istemeıtini túsinikti. Komıssııa músheleriniń kóbisi ózderiniń negizgi kásibı qyzmetin atqaryp, komıssııalarda tek bekitilgen keste boıynsha jumys isteıdi. Olardyń jumysqa shyǵatyn arnaıy tabeli júrgiziledi», dedi S. Mustafına.

Atap aıtqanda, bólinetin qarajattyń 21 paıyzy daýys berý ýchaskeleriniń metarıaldyq-tehnıkalyq qamtamasyz etilýine, Ortalyq referendým komıssııasy men ýchaskelik ári aýmaqtyq komıssııasynyń jumysyna, baspa ónimderin daıarlaýǵa, aqparattyq súıemeldeýge, sondaı-aq el aýmaǵynda arnaıy bılbordtardy ornalastyrýǵa arnalǵan.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar