Qoǵam • 17 Mamyr, 2022

Referendým – qoǵamdaǵy eń basty taqyryp

687 ret kórsetildi

2022 jylǵy 17 mamyrda Qazaqstan Respýblıkasy Prezıdentiniń Arhıvinde Qazaqstan Respýblıkasynyń Konstıtýsııasyna ózgerister men tolyqtyrýlar engizý jobasy talqylandy. Kezdesý dóńgelek ústel formatynda ótti.

Kezdesýge kelgen QR Parlament Májilisiniń depýtaty Bekqalı Torǵaev, «AMANAT» partııasy Almaty qalalyq fılıalynyń atqarýshy hatshysy Meıirjan Otynshıev jáne Qazaqstan Respýblıkasy Konstıtýsııasyna ózgerister men tolyqtyrýlar engizý jónindegi referendým ótkizýdi qoldaıtyn «AMANAT» partııasynyń qalalyq shtaby tóraǵasynyń orynbasary Baqtııar Kamalov, «AMANAT» partııasynyń Medeý aýdandyq fılıalynyń basshysy Azat Ajımanov QR Prezıdenti Arhıviniń ujymymen konstıtýsııalyq reformanyń jobasyn talqylady. Sondaı-aq is-sharaǵa Almaty kópsalaly kolledjiniń stýdentteri qatysty.

,

Dóńgelek ústeldiń ashylýynda Arhıv dırektory Álııa Mustafına 2022 jylǵy 5 maýsymda Konstıtýsııaǵa ózgerister men tolyqtyrýlar engizý boıynsha ótetin Qazaqstan azamattarynyń óz pikirin bildiretin jalpyhalyqtyq referendým – Jańa Qazaqstan úshin jáne bolashaq urpaq úshin azamattyq jaýapkershiligimizdi kórsetýdegi mańyzdy qadam ekenin atap ótti.

Is-shara barysynda QR Parlament Májilisiniń depaýtaty Bekqalı Torǵaevqa Arhıvtiń qujattaryn saqtaý men sıfrlandyrý úrdisiniń jumystary tolyq kórsetilip, Táýelsiz Qazaqstan tarıhyndaǵy referendýmdardyń tarıhı qujattary tanystyryldy.

Qazaqstan Respýblıkasy Prezıdenti Arhıviniń qyzmetkerleri shara qonaqtaryna saýaldar qoıyp, óz pikirlerin aıtty.

Qatysýshylar kezdesý qorytyndysynda aǵymdaǵy jyldyń 5 maýsymynda ótetin respýblıkalyq referendýmǵa belsendi qatysatyndaryn jetkizdi.

 

Nurlan Toqsabaev,

QR Prezıdenti Arhıviniń qyzmetkeri

Sońǵy jańalyqtar

Bılikten ketkisi joq

Álem • Keshe

Venesııadan nesi kem?

Qoǵam • Keshe

Jaýaby joq jumbaq taǵdyr

Ádebıet • Keshe

Aınalma joldyń azaby

Aımaqtar • Keshe

Uqsas jańalyqtar