Múgedektigi bar azamattar bólimniń avtodromynda arnaıy jasaqtalǵan kólikti aıdap, júrgizýshi kýáligin alý úshin tapsyrylatyn praktıkalyq emtıhan týraly málimetterge qanyqty.
Aıta keteıik, atalǵan bólimdegi «Zaz Chance» markaly mehanıkalyq qorapty avtokóligi júrý qabiletinen aırylǵan azamattar úshin qolmen basqarylatyn etip jasaqtalǵan. Múmkindigi shekteýli azamattar teorııalyq synaqtan sátti ótse, praktıkalyq emtıhandy arnaıy kólikpen tapsyrady.
Arnaıy kólikti júrgizip kórgen «Qyzylorda oblystyq múgedekter» qoǵamdyq birlestiginiń tóraǵasy Saǵatek Sııýov múgedektigi bar adamdar úshin praktıkalyq synaq tapsyrý kóliginiń qolaıly ekendigin jetkizdi.
- Men osy avtodromda kólikti júrgizip kórdim. Mehanıkalyq qorapty bolǵanymen múgedektigi bar adamdar úshin arnaıy jasaqtalǵan kólik óte yńǵaıly. Teorııalyq synaqtan sátti ótken taǵdyrlastarymyz, daıyndalsa bul synaqtan da ótedi dep oılaımyn. Múgedektigi bar adamdardyń kóbi kólik júrgizýge múmkindigimiz joq dep oılaıdy. Alaıda, yntasy bar adamdar bul qorqynyshty jeńe alady, - deıdi «Qyzylorda oblystyq múgedekter» qoǵamdyq birlestiginiń tóraǵasy Saǵatek Sııýov.
Shara barysynda «Azamattarǵa arnalǵan úkimet» memlekettik korporasııasy» KEAQ Qyzylorda oblysy boıynsha fılıalynyń dırektory Aınur Tobaeva mamandandyrylǵan bólimniń jyl basynan beri atqarǵan jumystaryn da aıtyp ótti. Aıtýynsha aǵymdaǵy jyldyń 5 aıynda atalǵan bólim jeke jáne zańdy tulǵalardan túsken 17 myń 904 ótinishti rásimdegen. Onyń ishinde «Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý» qyzmeti boıynsha 13 myń 792, «Júrgizýshi kýáligin berý» qyzmeti boıynsha 4 myń 112 qyzmet kórsetilgen. Fılıal dırektory keı memlekettik qyzmetterdiń onlaın túrde ońtaılandyrylǵandyǵyn da tilge tıek etti.
- О́zderińizge belgili pandemııa bizge onlaın jumystyń tıimdiligin kórsetti. Qazirgi tańda kóptegen memlekettik qyzmetti Halyqqa qyzmet kórsetý ortalyqtaryn barmaı-aq «egov.kz» portaly arqyly alýǵa bolady. Qazirgi tańda kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý qyzmetin joǵaryda aıtyp ótkendeı «egov.kz» portaly men «eGov mobile», «kaspi.kz» qosymshasy arqyly qol jetkizý múmkindigi bar. Jyl basynan beri avtokólikti onlaın tirkeý boıynsha 5 myń 642 qyzmet kórsetilgen. Sondaı-aq, aǵymdaǵy jyldyń 5 aıynda merzimi ótken júrgizýshi kýálikterin aýystyrý úshin onlaın túrde 109 qyzmet oryndaldy. Bul eki qyzmetti onlaın túrde rásimdegender kýálikti, kólik qujaty men nómirin qala syrtyndaǵy mamandandyrylǵan bólimge barmaı-aq, Astana dańǵyly 46 úı meken-jaıyndaǵy №2 HQO-nan alýyna bolady, - dedi Aınur Tobaeva.
Jyl basynan beri mamandandyrylǵan bólimge 5 myń 852 adam júrgizýshi kýáligin alý maqsatynda júgingen. Onyń ishinde kýálikti alǵash alýǵa 1 myń 509 azamat ótinish bildirse, 336-sy synaqtardan sátti ótip, júrgizýshi kýáligin alǵan.
Osy aralyqta jol erejesin buzyp, júrgizýshi kýáliginen aırylǵan 759 adam qaıta kýálik alý maqsatynda júgingen. Olardyń 80-i teorııalyq emtıhandy sátti tapsyryp, kýáligin qaıta aldy. Aıta keteıik, bul sanattaǵylar praktıkalyq emtıhan tapsyrmaıdy.
Sondaı-aq, 5 aı ishinde qosymsha kategorııa alý úshin 85 qyzmet alýshydan ótinish kelip tústi. Olardyń 12-si synaqtardan ótip, qalaǵan qyzmetterine qol jetkizdi.
Mamandandyrylǵan bólimde 2022 jyldyń 5 aıynda 228 joǵary suranysqa ıe memlekettik tirkeý nómirlik belgisi, ıaǵnı, «VIP» sanattaǵy nómirler satylyp bıýdjetke 61 mln 342 myń 701 teńge tústi.
