Qoǵam • 18 Mamyr, 2022

Uıymshyldyq – irgeli ister bastaýy

28 ret kórsetildi

9 mamyr kúni Sáýle aýylynda Jeńistiń 77 jyldyǵyna oraı aıtarlyqtaı aýqymdy is-shara uıymdastyryldy. Bul ıgilikti iske Meıram Qaırat, Baqytjan Quttybek, Nurtilek Qaıyr, Qanat Qusaıyn sııaqty jańashyl aýyl jastary uıytqy bolsa, egin sharýashylyǵymen aınalysatyn Saule SNK jáne qıyrshyq tas óndiretin «Qum» fırmalary demeýshilik kómek kórsetti.

О́z qaltalarynan aqsha shyǵaryp, ortaq iske úles qosqan aýyl azamattary da kópshiliktiń rızashylyǵyna bólengenin aıta ketken oryndy.

Jalpy, egemen elimizdiń tarıhynda 9 mamyrdyń orny erekshe ekeni belgili. Sol surapyl soǵysqa shaǵyn ǵana aýylymyzdan júzden astam er-azamat attansa, sol bozdaqtardyń jartysynan kóbi qan maıdanda erlikpen qaza tapty. Qanshama ul-qyz ákesiz, ata-ana balasyz zar jylap qaldy. Kóptegen shańyraq opyrylyp ortasyna tústi. Mundaı kúndi umytýǵa bola ma? Árıne, joq!

«Bul kún – erlikpen el qorǵaǵan atalarymyz ben ákelerimizdiń, ájelerimiz ben analarymyzdyń rýhyna bas ıip, taǵzym etetin kún. Bul kún – fashızmdi jer jastandyrǵan esil erlerdiń eren erligin jadymyzda jańǵyrtatyn kún. Eliniń azattyǵy men urpaqtyń jarqyn bolashaǵy úshin janyn pıda etken bozdaqtarymyzdy máńgi este saqtaý – qasıetti boryshymyz», dedi jınalǵan jurtshylyq aldynda sóz sóılep, óskeleń urpaqty ata býynnyń erlik isterinen úlgi alýǵa shaqyrǵan zeınetker ustaz Qaıynjamal Súleımenova.

Al merekelik is-shara at jarysynan bastalyp, kókpar, teńge ilý, qazaq kúresi sekildi salt-dástúrimizdi ulyqtaǵan ulttyq oıyndarǵa ulasty. Oǵan kórshi aýyldardan da shabandozdar men kókparshylar jáne balýandar kelip qatysyp, jarys kórigin qyzdyra tústi. Sońynda jeńimpazdar men júldegerlerge aqshalaı syılyq tapsyryldy. Aýyldyń eńbektegen balasynan eńkeıgen kárisine deıin qatysqan aýqymdy is-shara sońy jergilikti ónerpazdardyń kúshimen qoıylǵan konsertpen qorytyndylandy.

 

Jamal SMAǴUL,

ardager ustaz,

Y.Altynsarın tósbelgisiniń ıegeri

Aqmola oblysy,

Birjan sal aýdany

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar