Oqıǵa • 18 Mamyr, 2022

Shýchınskide bazar órtendi

30 ret kórsetildi

Shýchınskide bazardan shyqqan alapat órtten bir adam qaza tapty, dep habarlaıdy Egemen.kz.

Oblystyq TJD málimetinshe, búgin, ıaǵnı 18 mamyrda saǵat 04-50-de Aqmola oblysy Býrabaı aýdanynyń Shýchınsk qalasynda «Jomart» bazarynyń bir qabatty jeke turǵan ǵımaraty órtenip ketti. О́rtti sóndirýge 97 órt sóndirýshi jiberildi.

«О́rttiń jalpy aýmaǵy 1700 sharshy metrdi sharpyǵan. Al ǵımarattyń jalpy aýdany 3000 sharshy metr bolady. 45 mınýt ishinde órt sóndirýshiler órtti oqshaýlap, jalynnyń taralýyna jol bermedi. Osylaısha, eki saǵat ishinde órtti tolyǵymen sóndirdi.

О́rt sóndirý barysynda er adamnyń denesi tabyldy. Aldyn ala boljam boıynsha ol bazardyń kúzetshisi bolýy múmkin», dep habarlaıdy Aqmola oblysy TJD baspasóz qyzmeti.

Qazirgi tańda anyqtaý jumystary júrgizilip jatyr. О́rt ornynda órt-tehnıkalyq zerthanasy, polıseıler jumys isteýde.

Qazirgi ýaqytta órttiń shyǵý sebebi anyqtalyp jatyr. О́rtti sóndirýge TJD 97 qyzmetkeri men 25 tehnıka, jergilikti atqarýshy organdardyń úsh qyzmetkeri men úsh tehnıkasy jumyldyryldy.

 

Sońǵy jańalyqtar

Dollar arzandady

Qarjy • Keshe

Uqsas jańalyqtar