Poıyzdar 13000 km-den astam qashyqtyqty júrip ótip, shalǵaı ornalasqan Toltyr, Afanasevo, Begimbet, Nıkeltaý sııaqty stansalar men razezderge barady. Bıyl 200-ge jýyq stansa men razezdi qamtý josparlanyp otyr.
Dárigerler alǵashqy medısınalyq-sanıtarııalyq jáne konsýltasııalyq-dıagnostıkalyq kómek kórsetedi. Medbrıgadalar quramynda terapevt, pedıatr, LOR, kardıolog, oftalmolog, stomatolog jáne t.b. mamandar bar.
«Járdem» jáne «Salamatty Qazaqstan» medısınalyq poıyzdary arnaıy jabdyqtalǵan 8 mamandandyrylǵan vagonnan turady. Dárigerler kúnine ondaǵan naýqasty tekseredi. Medısınalyq poıyzdar jumys istep turǵan stansaǵa bilikti mamandardyń tekserýinen ótý úshin ózge eldi mekenderden de turǵyndar keledi», delingen habarlamada.
