Aımaqtar • 18 Mamyr, 2022

Almaty oblysynyń 1500-ge jýyq turǵynyn kene shaqqan

37 ret kórsetildi

Almaty oblysynda 1486 adamdy kene shaqqan. Onyń 58%-y 14 jasqa tolmaǵan balalar, dep habarlaıdy Egemen.kz.

«Almaty oblysy kene ensefalıti boıynsha endemııalyq aımaqta ornalasqan. Maýsym bastalǵannan beri aýdandar men qalalardyń medısınalyq uıymdaryna 1486 adam júgingen, onyń 58%-y 14 jasqa deıingi balalar. О́tken jyldyń sáıkes kezeńimen salystyrǵanda kene shaǵýmen 1025 adam medısınalyq kómekke júgingen, onyń 64%-y 14 jasqa deıingi balalar. Bul kene shaǵý sanynyń 31%-ǵa artqanyn kórsetedi. Bıylǵy jyldyń sáýir aıynan bastap orman jáne qalalyq saıabaqtar men skverler aýmaǵynda kenege qarsy ý sebý jumystary júrgizildi. Birinshi týr 968 ga aýmaqty qamtydy, bul 11 aýdan jáne 2 qala», delingen Almaty oblystyq sanıtarııalyq-epıdemıologııalyq qadaǵalaý departamenti baspasóz qyzmetiniń habarlamasynda.

Atap aıtqanda, Aqsý aýdanynda 18 ga, Alakól aýdanynda – 51 ga, Eńbekshiqazaq aýdanynda – 235,5 ga, Eskeldi aýdanynda – 55 ga, Qarasaı aýdanynda – 100 ga, Kerbulaq aýdanynda – 40 ga, Raıymbek aýdanynda – 24 ga, Sarqan aýdanynda – 38 ga, Talǵar aýdanynda – 263,5 ga, Uıǵyr aýdanynda – 55 ga, Kegen aýdanynda – 60 ga jer óńdeldi, Taldyqorǵan qalasynda – 13 ga, Tekeli qalasynda 15 gektar jer kenege qarsy óńdelgen.

«Kenege qarsy óńdeýdiń ekinshi kezeńi maýsymnyń birinshi jartysynda josparlanǵan. Bul Almaty oblysyndaǵy aýa-raıynyń qolaısyzdyǵyna baılanysty. Is-sharalar bastalar aldynda mindetti túrde aqparattyq belgiler qoıylady, azamattarǵa kenege qarsy óńdeýden keıin 3 táýlik ishinde saıabaqtarǵa, skverlerge jáne tabıǵı oshaqtarǵa barmaý qajet. Kene ensefalıtiniń aldyn alýdyń negizgi sharasy vaksınasııa ekenin atap ótken jón. Almaty oblysynda egýdi dárigerdiń keńesinen keıin turǵylyqty jeri boıynsha aýmaqtyq emhanalardan tegin alýǵa bolady», dep túsindirdi vedomstvo ókilderi.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar