Aımaqtar • 18 Mamyr, 2022

Báıdibek aýdanynyń turǵynynan qyrym qandy bezgegi anyqtaldy

24 ret kórsetildi

Shymkentte qyrym qandy bezgegin juqtyrýy múmkin degen naýqastyń dıagnozy rastaldy. Dárigerler qazir qalalyq juqpaly aýrýlar aýrýhanasyna aýystyrylǵan naýqastyń jaǵdaıy aýyr ekenin aıtyp otyr, dep habarlaıdy Egemen.kz.

Qalalyq sanıtarııalyq-epıdemıologııalyq baqylaý departamentiniń málimetinshe, búgingi kúnge naýqastyń jalpy jaǵdaıy ıntoksıkasııa men gemorragııalyq sındromǵa baılanysty aýyr dárejede.

Aıta keteıik, Báıdibek aýdanynyń 46 jastaǵy turǵyny buǵan deıin asqazan-ishekten qan ketý dıagnozymen oblystyq klınıkalyq aýrýhanaǵa túsken edi. Oǵan qyrym qandy bezgegin juqtyrýy múmkin ekeni aıtylǵan. Naýqas tez arada oqshaýlanyp, qalalyq juqpaly aýrýlar aýrýhanasynyń jansaqtaý bólimshesine jatqyzyldy.

Al onymen qarym-qatynasta bolǵan 15 adam anyqtaldy. Onyń ishinde 9 adam - medısına qyzmetkerleri dárigerlerdiń baqylaýyna alyndy. Indettiń aldyn alý maqsatynda keshendi epıdemıologııalyq, zooparazıtologııalyq jáne veterınarlyq aldyn alý is sharalary jalǵasýda.



Sońǵy jańalyqtar

Dollar arzandady

Qarjy • Keshe

Uqsas jańalyqtar