Oqıǵa • 18 Mamyr, 2022

Shymkentte jol apatynan bir adam qaza tapty

32 ret kórsetildi

Shymkentte jol-kólik oqıǵasynan bir áıel qaza taýyp, taǵy bes adam zardap shekti. Zardap shekkender arasynda jańa týǵan náreste de bar, dep habarlaıdy Egemen.kz.

Qalalyq polısııa departamentiniń málimetinshe, 17 mamyr kúni saǵat 21:10 shamasynda Respýblıka dańǵyly men Sh. Qaldaıaqov kóshesiniń qıylysynda Mercedes Benz 200 D jáne Toyota Land Cruiser 100 VX kólikteri soqtyǵysqan.

«Oqıǵa saldarynan Mercedes Benz 200 D kóliginiń eki júrgizýshisi men úsh jolaýshysy, onyń ishinde bir áıel túrli dene jaraqatymen aýrýhanaǵa jetkizildi. Artynsha ol áıel esin jımastan qaıtys boldy. Oqıǵa ornyna Abaı aýdandyq polısııa bóliminen jedel-tergeý toby attandy. Jol-kólik oqıǵasy boıynsha polıseıler QR Qylmystyq kodeksiniń 345-baby 2-bóligi boıynsha sotqa deıingi tergeý amaldaryn júrgizip jatyr», delingen PD habarlamasynda.

Jol apatynyń kýágeriniń aıtýynsha, kólikterdiń birinde jańa týǵan náreste bolǵan. Otbasy perzenthanadan úıine qaıtyp kele jatqan. Sábı basynan jaraqat alǵan, al anasynyń ıyǵy synǵan, ákesi sumdyq jaıttan eseńgirep qalǵan.

Qalalyq densaýlyq saqtaý basqarmasy habarlaǵandaı, zardap shekken úsh adamǵa №1 qalalyq klınıkalyq aýrýhananyń qabyldaý bóliminde alǵashqy medısınalyq kómek kórsetilgen soń úılerine jiberilgenin habarlady. Taǵy ekeýi medısınalyq kómek alǵan soń ambýlatorlyq em alýǵa jiberildi.

Sońǵy jańalyqtar

Dollar arzandady

Qarjy • Keshe

Uqsas jańalyqtar