Múgedek adamdarǵa qajetti jaǵdaı jasalady

Referendýmdy uıymdas­tyrýdyń quqyqtyq negizderin, «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» zań jobasyn, respýblıkalyq referendým aldyndaǵy úgit ju­mystaryn júrgizý tártibin túsin­dirýdi maqsat tutqan semınar jumysyna 150-den astam adam qatysty. Sondaı-aq jıyn­da BUU múgedek jan­dar­­dyń quqyqtary týraly Kon­vensııasynyń negiz­gi qaǵıdat­tary týraly habardar etý, res­pýb­lıkalyq referendým ótkizý kezinde múmkindigi shekteýli azamattardyń quqyqtaryn iske asyrýdy qamtamasyz etý máse­leleri talqylandy.

Oqytý semınarynyń jumy­syna ORK músheleri, Qazaq­standaǵy BUU Damý baǵdar­la­ma­synyń ókili, ORK janyn­daǵy múgedekterdiń quqyq­taryn iske asyrý jónindegi jumys tobynyń músheleri, Eńbek jáne áleýmettik qorǵaý, Ádilet mınıstrlikteriniń, son­daı-aq múgedek jandardyń qo­ǵamdyq birlestikteriniń ókil­deri qatysty. Sondaı-aq beınekonferensııa baılanysy rejimin­de is-sharaǵa múgedek jandardyń quqyqtaryn qorǵaý jónindegi óńirlik ÚEU ókil­deri, aýmaqtyq komıssııalardyń músheleri jáne múmkindikteri shekteýli adamdarmen jumys isteýge jaýapty jergilikti atqa­rý­shy organdardyń ókilderi qatysty.

Is-sharanyń moderatory – Ortalyq referendým komıssııa­synyń múshesi Shavhat О́temisov komıssııanyń mańyzdy mindet­teriniń biri múmkindigi shekteýli azamattardyń quqyqtaryn qam­tamasyz etý boıynsha barlyq qa­jetti jaǵdaıdy iske asyrý ekenin atap ótti.

Jergilikti atqarýshy organ­darǵa saılaý ýchaskesinde da­ýys berýge arnalǵan úı-jaıdy, daýys berýge arnalǵan pýnktti ja­raq­tandyrý jónindegi nus­qaý­lyqqa sáıkes, referendým ýchas­kelerinde múgedek adam­darǵa jaǵdaı jasaýdy qamta­masyz etý jóninde qajetti sha­ra­­lar qabyldaý tapsyryldy. Qazir­­gi tańda referendýmnyń 10013 ýchaskesiniń basym kóp­shi­li­gi pandýstar jáne tak­tıl­di kór­setkishtermen jab­dy­q­tal­ǵan. Is júzinde barlyǵy­na kreslo-arbalardy paıda­lanatyn azamattardyń qajet­tilikterin eskere otyryp, daýys berýge arnalǵan kabınalar qarastyrylǵan.

Daýys berý kúnine ýchaske­ler­diń daıyndyǵy máselelerin baqylaýda ustaý, onyń ishinde ınvataksı, sýrdoaýdarmashylardy tartý jáne t.b. sııaqty múge­dektigi bar azamattarǵa yńǵaıly bolý úshin qosymsha sharalar ázirleý tapsyryldy.

Komıssııa múshesi Shavhat О́te­misov múgedek jandardyń qu­qyq­­taryn qamtamasyz etý máse­le­l­eri­men aınalysatyn bar­lyq qo­ǵam­dyq birlestikti jerg­ilik­ti atqarýshy organ­dardyń ýchas­ke­lerdi jaraqtan­dyrýdyń qosym­sha sharalaryn qabyldaýǵa shaqyrdy.

Jıynda BUU Damý baǵdarla­masynyń Qazaqstandaǵy Turaq­ty ókiliniń orynbasary V.Vremısh, ORK janyndaǵy múgedekter­diń quqyqtaryn qamtamasyz etý jónindegi ju­mys tobynyń mú­shesi, Senat depý­taty L.Qaltaeva, Eńbek jáne halyqty áleýmettik qor­ǵaý mınıstrliginiń komıtet tór­aǵasy E.Nurǵalıev, Ádilet mınıstrliginiń departament dırektory N.Jamaladın, «Arba» tirek-qımyl apparatynyń qyzmeti buzylǵan múgedekter azamattardy qoldaý qoǵamy» QB tóraǵasy, Batys Qazaqstan ob­lys­tyq máslıhatynyń depýtaty G.Batpaqulova, «Pandýs OK» JShS quryltaıshysy, Aqtóbe qalalyq máslıhatynyń depýtaty Sh.Juldyzbaev, sondaı-aq múge­dekterdiń qoǵamdyq birles­tikteriniń, jergilikti atqarýshy organdardyń basqa da ókilderi sóz sóıledi.

Sondaı-aq is-shara sheń­berin­de Ortalyq referendým komıs­sııasy apparatynyń qyz­met­ker­leri «Respýblıkalyq refe­ren­dým aldyndaǵy úgit», «Referendým ótkizýdi uıym­dastyrý», «Referen­dýmdy uıym­dastyrý men ótkizýdiń quqyqtyq negizderi» taqyry­bynda baıandama jasady.