Medısına • 20 Mamyr, 2022

Ozyq reanımasııalyq jabdyqtarǵa qol jetkizedi

26 ret kórsetildi

Jýyrda elimizdiń alty oblysynyń perınataldyq orta­lyq­tary men Almaty qalasyndaǵy Respýblıkalyq akýsherlik, gınekologııa jáne perınatologııa ǵylymı ortalyǵy reanımasııada jańa týǵan sharanalardyń ómirin saqtap qalýǵa arnalǵan zamanaýı apparattyq gıpotermııa keshenderimen jabdyqtalady.

Taldyqorǵan, Oral, О́ske­men, Aqtaý jáne Shymkent qala­larynyń 5 medısınalyq orta­lyǵyn jaraqtandyrýdy «Sam­ruk-Kazyna Trust» áleý­mettik jobalardy damytý qory qarjy­landyrsa, qalǵan qarajatty «О́mir syılaıyq» birlesken jobasy aıasynda AYALA qaıyrym­dylyq qory jınady.

Qaraǵandy qalasynyń ob­lys­tyq aýrýhanasynda birles­ken qanatqaqty joba sátimen júzege asqannan keıin, «Samruk Kazyna Trust» áleýmettik jobalardy damytý qory elimizdiń perınataldyq ortalyqtaryn avto­matty gıpotermııa jáne amplı­tý­dalyq elektr ensefalo­gııasy apparattarymen qamta­masyz etý jónindegi bastamany jalǵastyrýǵa ýaǵdalasty.

Medısınalyq ortalyqtar birneshe kórsetkish boıynsha, ıaǵnı bosaný kezindegi asfık­sııada mehanıkalyq gıpotermııany (salqyn sý nemese muz sa­lynǵan paketter nemese me­dı­sınalyq qolǵaptar) qol­daný jaǵdaılarynyń sany men avto­matty gıpotermııa apparat­ta­rynyń bolmaýyna qaraı daǵ­dylanǵan. Bul úshin AYALA qory 2021 jyly barlyq ob­lys­tyq densaýlyq saqtaý bas­qar­masymen jumys istep, joba­ny qorǵaý úshin qajetti aq­paratty resmı túrde jınady. Nátıjesinde, 22 perınataldyq ortalyqtyń tizimi jasalǵan. Mehanıkalyq gıpotermııany eń kóp qoldanatyn alǵashqy jeteýi bıyl 2022 jyldyń 3 toqsanynda jabdyqtaryn alady.

«О́zderińizge belgili, 2021 jy­ly Qaraǵandy perınatal­dyq ortalyǵy zamanaýı qural-jabdyqtarmen jabdyqtalyp, bir jyl ishinde 11 jańa týǵan balanyń ómiri men densaýlyǵyn qorǵap qaldy. Biz muny tamasha nátıje dep esepteımiz. О́ıtkeni árbir balanyń ómiri eli­mizdiń bolashaǵy úshin óte ma­ńyzdy. Bıyl 5 aımaqqa qu­ral-jabdyqtar satyp alý úshin qarjylaı qoldaý kórsettik. Se­bebi bul óńirlerde náresteler ólim-jitiminiń deńgeıi men balalar reanımasııasyn aldyńǵy qatarly medısınalyq tehnıkamen qamtamasyz etý máselesi ózekti. Qazirgi zamanǵy appa­rattar osy medısınalyq orta­lyqtardyń dárigerlerine buryn­ǵydan da kóp balanyń ómirin qutqarýǵa kómektesedi dep úmit­tenemiz. Jalpy, byltyr 7 mlrd teńgeden astam somaǵa 32 aýqym­dy áleýmettik jobany júzege asyrdyq jáne jarty mln-nan asa adamǵa kómek kórsettik», deıdi «Samruk-Kazyna Trust» áleýmettik jobalardy damytý qorynyń bas dırektory Alfııa Adıeva.

Atalǵan qor Qazaqstanda bala ólimi men múgedektigin azaı­­­týda memleketke kómek kór­­setý úshin 15 jyldan beri maq­satty túrde jumys istep keledi. Qarajat jınap, demeý­shiler­di tartý arqyly qor balalar jansaqtaý bólimshelerin zama­naýı medısınalyq jab­dyq­tar­men qamtamasyz ete otyryp, qazaqstandyq neonatolog dárigerlerdiń biliktiligin arttyrýǵa kómektesedi. Máse­­len, 2017 jyly AYALA Qazaq­stan­­da alǵash ret avtomatty gıpo­termııany synaqtan ót­kiz­gen ­edi. Gıpotermııa appara­ty orta ­jáne joǵary aýyr­lyq­taǵy ­asfık­sııamen týǵan ná­res­telerdiń ómiri men aqyl-esin saqtap qalýǵa kómektesedi. Bosaný ba­ry­syndaǵy tunshyǵý, ottegi je­tispeýshiliginen eń aldy­men mı jasýshalaryn zaqym­­daı­tyndyqtan, múgedektikke dý­shar etýi múmkin. Al avtomat­ty ­gıpotermııa náresteniń dene­­sin birtindep salqyndatyp, aǵza­daǵy almasý prosesterin qa­lypqa keltirýge kómektesedi. Tý­ǵannan keıingi birinshi saǵat­ta gıpotermııany qoldaný orta­lyq júıke júıesin qaıtymsyz zaqymdanýdan qutqarýǵa qabi­letti, óte qıyn jaǵdaılarda bul jańa týǵan sharananyń sheti­neýine ákep soǵady.

«Biz alǵash ret avtomatty gıpotermııa apparattary týraly professor Arýnas Lıýbshısten bildik. Ol bizdiń qordyń shaqy­rýymen qazaqstandyq neo­natolog dárigerlerdi jańa tý­ǵan balalarǵa kútim jasaýdyń jańa tájirıbelerine úıretken. Eýropalyq odaq elderinde bul appa­rattar mehanıkalyq gıpo­ter­mııanyń ornyna áldeqa­shan keldi. 5 jyl ishinde biz Qazaq­­stannyń perınataldyq orta­lyqtarynda 7 apparattyq keshen ornattyq. Osy arqyly jańa týǵan 205 náreste ajaldan aman qaldy. Biraq bul balalardyń mı qyzmetin saqtap qalýy da mańyzdy. Bul degenińiz olar ósip, damyp, oqyp, fýnksıonaldy túrde saý bola alady degen sóz», deıdi AYALA qoǵamdyq qorynyń prezıdenti Aıdan Súleımenova.

Gıpotermııa keshenine avtomatty gıpotermııa apparaty jáne amplıtýdalyq elektrensefalografııa monıtory kiredi. Bul dárigerlerge jańa týǵan nárestelerdi qutqarý jáne emdeý úshin qoldanylatyn terapııany baqylaýǵa jáne tıimdi túzetýge múmkindik beredi. Buǵan qosa jabdyqtardy ornatqannan keıin qor dárigerlerdi praktıkada jańa apparattardy durys qoldaný boıynsha oqytady. AYALA qorynyń baǵalaýynsha, birneshe jyl boıy júrgizilgen mundaı tásil júzdegen balanyń ómirin saqtap qalýǵa múmkindik beredi.

Osy ýaqytqa deıin «О́mir syılaıyq» jobasy sııaqty bas­qa da bastamalar aıasyndaǵy AYALA qory eldegi 67 den­saý­lyq saqtaý mekemesine 2,2 mlrd teńge somasyna 1 100-den asa rea­­nımasııalyq medısınalyq qural-jabdyqtardy tapsyrdy. Qazaqstanda dárigerler tegin kýrs­tarda biliktiligin arttyrý ke­­z­inde alǵan osy jabdyqtar men bilim­­niń nátıjesinde 200 myńnan asa balanyń ómiri uzardy.

 

ALMATY

Sońǵy jańalyqtar

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar