Ulttar lıgasy: Adıev keńeıtilgen quramdy jarııalady

Qazaqstan fýtbol federasııasy baspasóz qyzmetiniń málimeti boıynsha, 2022 jyl­ǵy fýtbol kúntizbesiniń ereksheligine baı­lanys­ty bizdiń qurama maýsym aıyn­­da tórt match ótkizedi – ekeýi óz elimizde, ekeýi syrt alań­­da. Jerlesterimiz Ulttar lı­ga­­­­syndaǵy alǵashqy oıynyn 3 maý­­sym kúni Nur-Sultanda Ázer­baı­jan quramasymen ótki­zedi. «As­tana Arenadaǵy» match elor­da ýaqy­tymen 20:00-de bastalady.

Araǵa úsh kún salyp Qazaq­stan quramasy ekinshi týr oıynyn ótkizý úshin Slovakııaǵa sapar shegedi. Kezdesý Trnava qalasyndaǵy «Anton Malatınskıı» stadıonynda Nur-Sultan ýaqytymen 6 maýsymnan 7 maýsymǵa qaraǵan túni saǵat 00:45-ke josparlanǵan.

Al 10 maýsymda qazaqstan­dyqtar Belarýs fýtbolshylarymen sheberlik baıqasady. Alaıda match ÝEFA Atqarý komıtetiniń sheshimi boıynsha, beıtarap aýmaqta, ıaǵnı Serbııanyń Novı-Sad qalasyn­daǵy «Karadjorje» stadıonynda ótedi. О́kinishke qaraı, stadıonnan oıyndy tama­shalaýǵa jankúıerlerge tyıym salynǵan. Úshinshi týrdyń matchy Nur-Sultan ýaqytymen 10 maýsymnan 11 maýsymǵa qaraǵan túni saǵat 00:45-te ótedi.

Qazaqstan quramasy maýsym aıyna josparlanǵan tórt oıyn­nyń sońǵysyn 13 maýsymda Slovakııamen úıde ótkizedi. Match elorda ýaqytymen 20:00-de «Astana Arenada» bastalady. Aıta keteıik, Ulttar lıgasynyń toptyq kezeńiniń qorytyndy oıyn­dary kúzde bolmaq. 22 qyr­kúıekte Qazaqstan quramasy Bela­rýs quramasyn qabyldaıdy, al úsh kúnnen keıin bizdiń komanda syrt alańda Ázerbaıjanmen oınaıdy.

Birer kún buryn Qazaqstan ulttyq quramasynyń jańadan taǵaıyndalǵan bas bapkeri Ma­gomed Adıev Ulttar lıgasy osy oıyndarǵa shaqyrtylǵan oıyn­shylardyń keńeıtilgen tizimin jarııalady. Magomed Adıev  bas bapker retinde alǵashqy jıynǵa myna fýtbolshylardy shaqyrdy. Olar: Qaqpashylar – Igor Shaskıı («Shahter»), Muhammedjan Seı­sen («Taraz»), Bekhan Shaızada («Or­dabasy»), Stas Pokatılov («Aqtóbe»);

Qorǵaýshylar – Sergeı Malyı, Aleksandr Marochkın, Baǵdat Qaıyrov (barlyǵy – «Tobyl»), Iýrıı Logvınenko, Temirlan Erlanov (ekeýi de – «Aqtóbe»), Marat Bystrov («Ahmat», Reseı), Nuraly Álip («Zenıt», Reseı), Eldos Ahmetov («Taraz»), Mıhaıl Gabyshev («Shahter»), Talǵat Kósepov («Astana»);

Jartylaı qorǵaýshylar – Ashat Taǵybergen, Vladıslav Vasılev, Samat Jarynbetov (barlyǵy – «Tobyl»), Aslan Darabaev, Islambek Qýat (ekeýi de – «Astana»), Dýman Nárzildaev («Kaspıı»), Tımýr Dosmaǵambetov («Shahter»), Iаn Vorogovskıı («Molenbek», Belgııa), Ǵafýrjan Súıimbaev («Aqsý»), Elhan Astanov («Ordabasy»), Baýyrjan Baıtana («Taraz»), Ramazan Orazov, Maksım Samorodov, Ar­man Keńesov (barlyǵy – «Aqtóbe»);

Shabýylshylar – Artýr Shý­shenachev («Qaırat»), Abat Aıym­betov («Astana»), Aıbar Jaq­sylyqov («Tobyl»), Aby­laıhan Jumabek («Taraz»).

Sonymen qatar Qazaqstan ult­tyq quramasynyń bapkerler quramy da belgili boldy. Bas bapker Magomed Adıevke qa­zaqstandyq jas mamandar Evgenıı Kostrýb pen Rýslan Bal­tıev jáne reseılik Arslan Ha­lımbekov kómektesedi. Al bu­ǵan deıin «Shahterdiń» qaqpa­shy­laryn baptaǵan Valerıı Sı­ta­lo endi ulttyq quramanyń qaqpa­shylaryna jaýapty bolady.

Buǵan deıingi oqý-jattyǵý jıyn­daryna shaqyrylǵan fýtbol­shylardyń denin «Astana» men «Qaırat» klýbtarynyń oıynshylary quraıtyn. Al Adıev qazir «Tobyl» men «Aqtóbe» oıynshylaryna arqa súıeıtinin ańǵartty. Máselen, bul jıyn­ǵa «Tobyldyń» – jeti, «Aqtó­beniń» alty fýtbolshysy shaqy­ryl­dy. 11 týrdan keıin el birin­shiliginde kósh bastap turǵan «Ta­raz» ben ekinshi oryndaǵy «Asta­nadan» tórt oıynshydan bar. «Ordabasydan» – eki, «Qaırat» pen «Kaspııden» bir-bir fýtbolshydan shaqyrylyp otyr.