Qazaqstandyq Adal Promotions kompanııasymen jumys isteıtin boksshylarymyz 11 maýsym kúni Aqtaý qalasynda ózderiniń kezekti jekpe-jekterin ótkizedi. Atap aıtqanda, kásipqoı boks keshinde áýesqoı bokstan 2019 jylǵy álem chempıony Bekzat Nurdáýletov argentınalyq Dýrval Palasıomen (9-2, 6 KO) judyryqtasady dep josparlanǵan.
Al jýyrda ǵana WBO International chempıondyq beldigin jeńip alǵan Meıirim Nursultanov ta argentınalyq boksshymen aıqasady. Onyń qarsylasy – Sebastıan Orasıo Papeskı (18-3, 6 KO) bolmaq. Aıta keteıik, B.Nurdáýletov pen M.Nursultanov keıingi jekpe-jekterin aqpanda Aqtaýda ótkizip, ekeýi de qarsylastaryn merziminen buryn jeńgen edi.
