Aımaqtar • 20 Mamyr, 2022

«Astrahan-Mańǵystaý» sý qubyry kúrdeli jóndeýdi talap etedi

24 ret kórsetildi

Uzyndyǵy 1 myń shaqyrymnan asatyn «Astrahan-Mańǵystaý» sý qubyry 80 paıyzǵa tozǵan. Kúrdeli jóndeý qajettigi týyndap otyr, dep habarlaıdy Egemen.kz.

Búgin oblys ákimi Serik Shápkenov Qurmanǵazy aýdanyndaǵy «Qıǵash» sý sorǵy stansasyna arnaıy bardy. Stansa basshysy Hamıt Qabylovtyń málimdeýinshe, nysannyń qýaty táýligine 260 myń tekshe metrge eseptelgen. Biraq qazir táýliktik qýaty – 110 myń tekshe metr.

«Atyraý, Mańǵystaý oblystarynyń eldi mekenderi osy qubyr arqyly aýyz sýmen qamtylady. Eki oblysty aýyz sýmen jabdyqtaıtyn qubyrdyń jelileri, sorý, súzý qondyrǵylary eskirgen. Al, Qıǵash aýylyndaǵy stansa 1987 jyly salynǵan. Ǵımaratqa sońǵy ret 2010 jyly «Qaztransoıl» AQ kompanııasynyń qarjylandyrýmen kúrdeli jóndeý júrgizildi. Atalǵan stansaǵa, sýasty jabdyǵyna, sýmen jabdyqtaıtyn sorǵylarǵa kúrdeli jóndeý qajet bolyp tur», deıdi Hamıt Qabylov.

Aıta keteıik, Memleket basshysy Qasym-Jomart Toqaev byltyrǵy sáýirde «Astrahan-Mańǵystaý» sý qubyryn jańartýdy tapsyrǵan edi. Prezıdent oblys turǵyndarynyń bir bóligi jáne óńirdegi birqatar iri munaı óndirýshi kompanııa osy magıstral sýyn tutynyp otyrǵanyna nazar aýdarǵan bolatyn.

«Osyǵan baılanysty tek Atyraý ǵana emes, atalǵan sý qubyryn paıdalanyp otyrǵan Mańǵystaý oblysyna da sý berýde shekteýler bolýynyń yqtımaldyǵy joǵary. Bul - búkil turǵyndy alańdatqan, qordalanǵan másele. Ony sheshetin ýaqyt jetti. Úkimet pen «Samuryq-Qazyna» qoryna «Astrahan-Mańǵystaý» sý qubyryn jańǵyrtý jáne jańartýdy qamtamasyz etýdi tapsyramyn», degen edi Qasym-Jomart Toqaev.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar