Ekonomıka • 20 Mamyr, 2022

«Capital Bank Kazakhstan» AQ salymshylaryna kepildi ótem tóleý merzimi aıaqtalady

Qazaqstannyń depozıtterge kepildik berý qory (QDKBQ) «Capital Bank Kazakhstan» AQ salymshylaryna kepildik berilgen ótemdi tóleý - sońǵy kúnin qosa alǵanda 2022 jyldyń 3 shildesine deıin júzege asyrylady dep habarlaıdy Egemen.kz

Ajar QANATBEKQYZY

Atalǵan banktiń salymshylary kepildik berilgen depozıtter boıynsha ótem somalaryn «Eýrazııalyq bank» AQ agent bankiniń bólimsheleri arqyly jáne onlaın túrinde ala alady.

«Onlaın ótinishti Qor tólemderiniń elektrondyq portaly arqyly jyldam berýge bolady. Sondaı-aq munda tólenýge jatatyn somany jáne ótinishtiń oryndalý barysyn qadaǵalaýǵa múmkindik bar. Onlaın ótinish berý úshin salymshynyń elektrondyq sıfrlyq qoltańbasynyń ózekti kilti (ESQ) bolýy shart. Ári qaraı beıne-tekserýden ótý qajet. Bul rette SMS-kodty alý úshin salymshylar uıaly telefondaryn mobıldi azamattar bazasyna tirkeýi kerek. О́tinishti onlaın berý boıynsha tolyq nusqaýlyq Qor saıtynda qoljetimdi», dedi QDKBQ tóraǵasy Ádil О́tembaev.

Atap ótý kerek, ótinishti onlaın berý bank shottarynyń, tólem kartochkalary men salymdardyń ıelerine ǵana qoljetimdi. Sáıkesinshe salymshynyń (senimhat boıynsha) zańdy ókilderi, muragerleri nemese basqa da quqyq ıelenýshileri tikeleı agent bankke júginedi. Bul rette Qor saıtynda ornalastyrylǵan tizimge sáıkes rastaýshy qujattardy usynady.

Kepildik berilgen ótemdi tóleý merzimi (2022 jyldyń 3 shildesi) aıaqtalǵan soń, «Capital Bank Kazakhstan» AQ salymshylarynyń talap etpegen somalary olardyń Biryńǵaı jınataýshy zeınetaqy qorynda (BJZQ) ashylǵan jeke zeınetaqy shottaryna erikti zeınetaqy jarnalary retinde aýdarylady. О́tem aqshany aýdarý «Qazaqstan Respýblıkasynyń ekinshi deńgeıdegi bankterinde ornalastyrylǵan depozıtterge mindetti kepildik berý týraly» Zańyna sáıkes tólem merzimi aıaqtalǵan kúnnen bastap, kúntizbelik 30 kún ishinde, ıaǵnı sońǵy kúnin qosa alǵada 2022 jyldyń 2 tamyzyna deıin júzege asyrylady.

«Dáleldi sebeptermen 2022 jyldyń 3 shildesine deıin ótem alýǵa ótinish berip úlgermegen, onyń ishinde talap etpegen aqshalary BJZQ-ǵa aýdarylǵan salymshylar jazbasha ótinishti tikeleı Qorǵa berý arqyly ótem somalaryn alýǵa quqyly. Olardyń qolynda dáleldi sebepterin rastaıtyn qujattary bolýy kerek. Dáleldi sebepterdiń tizimi «Qazaqstan Respýblıkasynyń ekinshi deńgeıdegi bankterinde ornalastyrylǵan depozıtterge mindetti kepildik berý týraly» Zańynda qarastyrylǵan», dedi Ádil О́tembaev.

Tolyqqandy aqparatty www.kdif.kz saıtyndaǵy 1460 tegin nómirine qońyraý shalý arqyly bilýge bolady. Sonymen qatar saýaldardy [email protected] poshtasyna joldaýǵa nemese @kdif_ask Telegram-chatyna suraq qoıýǵa múmkindik bar.