Oqıǵa • 21 Mamyr, 2022

Shymkentte bir úıdiń úsh balasy kólik ishinde tunshyǵyp, kóz jumdy

30 ret kórsetildi

Qarataý aýdanynda bir úıdiń úsh balasy kóliktiń júk salatyn bóligine kirip, shyǵa almaı qalǵan. Ekeýi oqıǵa ornynda kóz jumdy. Úshinshisi aýrýhanaǵa jetkizilgenimen, aman alyp qalý múmkin bolmady, dep habarlaıdy Egemen.kz.

«19 mamyrda Qarataý aýdandyq polısııa basqarmasynyń 102 pýltine úsh kishkentaı balanyń avtokóliktiń júk salǵyshynda tunshyqqany týraly habarlama kelip tústi. Oqıǵa ornyna birden polısııa qyzmetkerleri shyqty. Anyqtalǵanyndaı, ata-anasy úıde bolmaǵan. Balalar júk salǵyshqa kirip, qaqpaǵyn jaýyp alady. Sodan keıin qaıta shyǵa almaı tunshyǵyp qalypty. Ekeýi oqıǵa ornynda qaıtys boldy, al úshinshi bala búgin reanımasııada kóz jumdy», dep habarlady Shymkent qalasy polısııa departamentiniń baspasóz qyzmeti.

Kórshileriniń aıtýynsha, kólik eskirip, aýlada turǵan. Aǵaıyndy úsheýdiń ekeýi - ul, bireýi - qyz. Eki bala mektep jasynda bolǵan.

PD baspasóz qyzmeti atalǵan jaıt boıynsha sotqa deıingi tergeý amaldary bastalǵanyn málim etti. Oqıǵanyń barlyq mán-jaılary anyqtalady.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar