Qoǵam • 21 Mamyr, 2022

Ajar Ǵınııat Shymkent perzenthanasynda qaza tapqandardyń otbasylaryna kóńil aıtty

63 ret kórsetildi

QR Densaýlyq saqtaý mınıstri Ajar Ǵınııat Shymkent perzenthanasynda qaza tapqandardyń otbasylaryna kóńil aıtty, dep habarlaıdy Egemen.kz.

«Shymkent qalasyndaǵy oblystyq perınataldyq ortalyqta bolǵan qaıǵyly oqıǵanyń qurbandaryna shyn júrekten kóńil aıtamyn.

Dál qazirgi ýaqytta jaǵdaı Densaýlyq saqtaý mınıstrliginiń baqylaýynda tur. Zardap shekkenderdi qalanyń medısınalyq uıymdarynda stasıonarlyq jaǵdaıda emdeý úshin barlyq sharalar qabyldanýda.

Budan basqa, Túrkistan oblysy boıynsha júkti jáne jańa týǵan nárestelerdi baǵyttaýdy uıymdastyrý jáne ózgertý boıynsha jumystar shuǵyl túrde júzege asyrylýda», dep jazdy Ajar Ǵınııat Feısbýktegi paraqshasynda.

Mınıstrdiń aıtýynsha, Túrkistan oblysynyń Densaýlyq saqtaý basqarmasyn ýaqytsha óńirlendirý týraly tıisti buıryq daıyndalyp, óńir ákiminiń orynbasary bastaǵan oblystyq klınıkalyq aýrýhanada jumys shtaby quryldy.

Oqıǵa ornyna QR DSM Ana men bala densaýlyǵyn qorǵaý departamentiniń basshysy bardy.

Aıana Toǵanbek

 

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar