Ekonomıka • 23 Mamyr, 2022

Taýardy onlaın satyp alý kóbeıe tústi

18 ret kórsetildi

Elimizde sıfrlandyrýdyń damýy, sonyń nátıjesinde saýda-sattyqtyń da onlaın platformalar arqyly júre bastaýy otandyq ekonomıkanyń damý barysyna da ózgeris ákeldi. Onlaın saýda bizde ǵana emes, álemde de ekonomıkanyń draıverine aınalyp kele jatyr. Qazir onlaın platformalarǵa smartfon arqyly kirý múmkindigi kez kelgen azamatta bar.

2022 jyldyń sáýirindegi jaǵdaı boıynsha elimizde uıaly baılanys operatorlarynyń 17 mln abonenti bar. Bul kórsetkish bir jyl burynǵymen sa­lystyrǵanda 5,7, al on jyl burynǵymen sa­lystyrǵanda 83,1 paıyzǵa kóp. Sondaı-aq tirkelgen ınternettiń 2,8 mln qoldanýshysy bar.

«Qazirdiń ózinde barlyq naryqtyq for­masııa­nyń belsendi túrde onlaınǵa aýysyp jat­qanyn baıqaımyz. Sońǵy jyldary onlaın tólem kólemi birneshe ese ósti. Birinshi toqsan qorytyndysy boıynsha soma 19,1 trln teńgege jetti. Bir jyl burynǵydan bir jarym ese joǵary. Onyń ústine 2022 jyldyń bir toqsanynda jasalǵan onlaın tólemder búkil 2019 jylǵy kórsetkishten 43 paıyzǵa artyq; 2018 jylǵydan 28 ese kóp. Bul dınamıka – búkil álemdik trend. Nasdaq málimetinshe, 2040 jylǵa taman satyp alýlardyń 95 paıyzy ınternet arqyly júzege asyrylady», dep jazady Ranking portaly.

Onlaın tólem óz kezeginde elektrondy saýdaǵa serpin beredi. 2018-2019 jyldary e-Trading úlesi 2,9 jáne 3,8 paıyz bolsa, 2020 jyly bul kórsetkish 3 ese artyp, 9,7 paıyzǵa jetti. Al ınternet arqyly saýda jasaǵan paıdalanýshylar deregin qarar bolsaq, olardyń úlesi 2019 jylǵy 15,6 paıyzdan 2020 jyly 17,7 paıyzǵa kóterilgen.

Qazir ınternet arqyly kez kelgen taýardy satyp alýǵa múmkindik bar. Onyń ishinde azyq-túlik, kıim-keshek, kitap, turmystyq ta­ýarlar, dári-dármek, telekom qyzmetteri, odan bólek saqtandyrý, qarjylyq qyzmetter de bar. Satyp alýdy úıde otyryp jasaý ári ýaqytty únemdeıdi, ári qaýipsizdik jaǵynan da tıimdi. Tipti sońǵy kezderi avtokólikti de úıde otyryp satyp alý múmkindigi qarastyryla bastady. Buǵan avtodılerlerdiń ózderi de múddeli. Sondaı-aq keıbir qurylys kompanııalary jyljymaıtyn múlikti onlaın satý máselesin kún tártibine shyǵardy. Páter tańdaý, anketa toltyrý, páterdi brondaý, kelisimshartqa qol qoıý, tólem jasaý – bári onlaın.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar