Úkimet • 24 Mamyr, 2022

Ishki naryqta gaz tutyný kólemi 35 paıyzǵa artqan

16 ret kórsetildi

Elimizdiń eldi mekenderin gazdandyrý máselesi QR Premer-Mınıstri Álıhan Smaıylovtyń tóraǵalyǵymen ótken Úkimet otyrysynda talqylandy, dep habarlaıdy Egemen.kz.

Premer-Mınıstr keıingi 5 jylda ishki naryqta gaz tutyný kólemi 35%-ǵa artqanyn atap ótti. О́tken jyldyń ózinde ǵana 3600-den astam ónerkásiptik nysan kógildir otynǵa kóshirildi.

«Bıyl tutyný kólemi 20 mlrd tekshe metrge deıin ósedi dep boljanýda. Gazdandyrylǵan eldi mekenderdiń jalpy sany 1700-den asady. Osylaısha 11 mln-nan astam qazaqstandyq tabıǵı gazǵa qol jetkizedi», dedi Á. Smaıylov.

Premer-Mınıstr turaqty ósim kórsetip otyrǵan gaz salasynyń elimizdiń áleýmettik-ekonomıkalyq damýynda mańyzdy oryn alatynyn atap ótti. 

«О́sip kele jatqan halyq sany men ónerkásip salasynyń qajettilikterin qamtamasyz etý úshin gaz kólemi jetkilikti bolýy kerek. Sondyqtan resýrstyq bazany keńeıtý, onyń ishinde aýqymdy geologııalyq barlaý jumystary negizgi mindetke aınalýy tıis», dedi Mınıstrler kabınetiniń basshysy.

Premer-Mınıstrdiń pikirinshe, shıkizat qory, ásirese, gazdyń jetkilikti kólemi naryqqa keletin áleýetti ınvestorlar úshin asa mańyzdy.

Osyǵan baılanysty beıindi vedomstvolarǵa 15 maýsymǵa deıin Jetildirilgen modeldik kelisim-shartty ázirleý aıasynda gaz jobalary úshin retteýshilik jáne fıskaldyq preferensııalardyń túpkilikti paketin ázirleý tapsyryldy.

Sondaı-aq Álıhan Smaıylov eldi odan ári gazdandyrý gaz tasymaldaý júıesiniń deńgeıi men jaǵdaıyna tikeleı baılanysty ekenin atap ótti. Búgingi tańda gaz qubyrlary maksımaldy qýatynda jumys istep tur. Olardyń kóbi kúrdeli jóndeýdi qajet etedi. Osyǵan oraı Premer-Mınıstr 1 shildege deıin Úkimetke О́ńirlerdi gazdandyrýdyń 2030 jylǵa deıingi bas shemasynyń jańartylǵan jobasyn engizýdi tapsyrdy.

«Jańa nysandardy salý, eskilerin jańǵyrtý jáne jóndeý boıynsha naqty jospar bolýy kerek»,  dedi Úkimet basshysy. 

Sonymen qatar Memleket basshysynyń tapsyrmasyna sáıkes elimizdiń soltústik jáne shyǵys óńirlerin gazdandyrýdyń ońtaıly sheshimi izdestirilip jatyr.

«Qazir eki nusqa pysyqtalyp jatyr. Biri – Reseı arqyly gaz tartý bolsa, ekinshisi – «Saryarqa» magıstraldyq gaz qubyry arqyly. Bul óte mańyzdy másele. Sondyqtan keshiktirýge bolmaıdy», dedi Álıhan Smaıylov.

Osyǵan baılanysty Energetıka mınıstrligine tıisti ákimdiktermen jáne «Samuryq-Qazyna» qorymen birlesip, bıylǵy 1 qyrkúıekke deıin atalǵan nusqalarǵa keshendi baǵalaý júrgizip, kelisilgen sheshimdi engizý tapsyryldy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar