Úkimet • 24 Mamyr, 2022

AÁK alatyn turǵyndarǵa gaz baǵasy tómen bolady

21 ret kórsetildi

Memlekettik ataýly áleýmettik kómek alatyn turǵyndarǵa gaz baǵasy 20 paıyzǵa tómendeıdi. Bul jaıynda QR Premer-Mınıstri Álıhan Smaıylovtyń Senat depýtattarynyń saýalyna bergen jaýabynda aıtylǵan, dep habarlaıdy Egemen.kz.

«Búginde jańa óńirlerdi shyǵynsyz gazdandyrý jáne halyqtyń áleýmettik jaǵynan az qamtylǵan tobynyń múddesin qorǵaý tetikteri anyqtalǵan. Qoǵamdyq mańyzy bar naryqta baǵa belgileý erejesine ózgeris engizildi. Onda tutynýshylardyń 9-shy toby – memlekettik ataýly áleýmettik kómek nemese turǵyn úı kómegin alatyn tutynýshylar qosylǵan. 2022 jyldyń 1 sáýirinen bastap tutynýshylardyń atalǵan toby úshin taýarlyq gazdy bólshek saýdada satý baǵasy Taraz ben Oral qalasynda ilki rejımde 20 paıyzǵa tómendetildi. Ilki joba aıaqtalǵannan keıin onyń qorytyndysynda atalǵan shara elimizdiń barlyq gazdandyrylǵan óńirinde qoldanyla bastaıdy», dep atap ótedi Úkimet basshysy.

Sonymen qatar ol «iri kommersııalyq gaz tutynýshy» jáne «sıfrlyq maınıng júzege asyratyn tulǵa» dep atalatyn tutynýshylardyń jańa eki sanatyn qosylatynyn aıtady.

«Aıtalyq, taýarlyq gaz baǵasy ósken jaǵaıda tutynýshy toptaryna, onyń ishinde ekonomıka salalaryna gaz qunyn tóleý kezindegi júktemeni tómendetý maqsatynda júktemeni tutynýshylardyń atalǵan eki sanatyna bólý usynylady», dedi Álıhan Smaıylov.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar