О́ńirde azyq-túlik baǵasy qymbattamaýy úshin birqatar shara qolǵa alynǵan. Turaqtandyrý qory pavılondaryna taýarlar kóptep jetkizilip, kásipkerlerge túsindirý jumystary júrgizilýde.
«Búgingi tańda eldiń ońtústik oblystarynan qyryqqabat jetkizýge kelisimsharttar jasaldy. 200 tonnanyń 75-i «Ertis» ÁKK» AQ-nyń saýda pavılondaryna jetkizilgen. Al qant qory 10 kún saıyn tolyqtyrylyp otyrady. Un jetkizý boıynsha da kelisimder bar. Aldaǵy ýaqytta úı mańyndaǵy dúkenderdi tekserýdi jalǵastyrý qajet», dedi oblys ákimi.
Ol áleýmettik mańyzy bar taýarlardyń baǵasyn ósirgen, sórelerdegi azyq-túliktiń baǵasyn jazyp kórsetpegen kásipkerler jazaǵa tartylatyndyǵyn jetkizdi.
