Medısına • 24 Mamyr, 2022

Adam ómirine ara túsken hırýrgter

693 ret kórsetildi

Keseldiń qandaı túrinen bolsa da aman bolaıyq degenimizben, dertine daýa izdegen adamdardy, kún saıyn aýrýhanalarǵa qaraı zaýlap bara jatqan jedel járdem kólikterin kóremiz. Sát saıyn dárigerlerdiń aldyna myńdaǵan naýqas shıpa izdep keledi. Almaty shaharynda sońǵy kúnderi jasalǵan erekshe operasııalarǵa kóz júgirtip kórelik.

Júkti áıeldiń omyrtqa jaryǵyn aldy

№7 qalalyq klınıkalyq aýrýha­na­synyń neırohırýrgteri júkti áıelge omyrt­qaaralyq shemirshek jaryǵyn alyp tastaý operasııasyn sátti atqardy.

Áıgerim Kóptileýova aıaǵy aýyr­la­­ǵa­nyna 24-25 apta bolyp qalǵanda Almaty qalasynyń №7 klınıkalyq aýrýha­nasynyń qabyldaý bólimshe­sine, omyrt­qanyń bel-segizkóz aýmaǵy­­nyń oń aıaqqa jańǵyryp berilgen aýrýy­men jetkizilip, shuǵyl nevrologııa bó­­li­mine jatqyzylady. Nevrologııa bólim­she­sinde pasıent konservatıvti em qa­byl­­daǵanymen, nátıjesi bolmaǵan. MRT apparatynda teksergen kezde sek­vestrlengen omyrtqaaralyq dısk ja­ryǵy anyqtaldy. Pasıentti 7 QKA bas dárigeriniń orynbasary, S.Asfendııa­rov atyndaǵy QazUMÝ neırohırýrgııa kafedrasynyń professory Marat Álıev qaraıdy. Oń aıaǵynyń qatty aýyr­ǵanyn analgetık dáriler de basa almaıdy. Osy oń aıaǵyn basa, súıene alma­ǵa­ny, jambas bóliktiń qyzmetiniń buzyla bastaǵany eskerile otyryp, operasııa aldyndaǵy daıyndyqtan keıin shuǵyl túrde hırýrgııalyq operasııa jasaý týraly sheshim qabyldanǵan.

№7 QKA-nyń №1 neırohırýr­gııa­­lyq bólimshesiniń meńgerýshisi Baqyt ­Aǵla­qovtyń aıtýynsha, pasıent­ke oń jaq L5-S1 dısk jaryǵyn, júktiliktiń ulǵa­ıyp, ishpen jatqyzý múmkin emestigine baılanysty búıirden endotrahealdi nar­kozben jolaralyq alyp tastaý operasııasy jasalǵan.

Osylaısha, Marat Álıev, assıs­tent Vıktor Karavaev, anestezıolog Ǵa­lym­jan Mars syndy altyn qol­­dy dári­­ger­ler aıaǵy aýyr áıeldiń omyrt­­qa­aralyq dısk jaryǵyn alyp tas­taý operasııa­syn joǵary kásibı deń­geıde jasady. «Qazir­gi ýaqytta pa­sıent­tiń jaǵdaıy jaqsy, júktiligi qalyp­ty ótýde, merzimge sáıkes keledi. Ol aıaǵy­nan turdy, ózdiginen júredi, oń aıaǵyn­daǵy aýyrsyný belgileri tolyǵymen basyldy», deıdi dárigerler.

Osy arada bul operasııa anaǵa da, qur­saqtaǵy balaǵa da asa qaýipti bolǵanyn aıtý kerek. Júktilik kezinde mundaı jaǵ­daıdy boldyrmaý úshin mamandar bala kótergisi kelgen áıelderge óz densaý­lyǵyna jaýapkershilikpen qaraýǵa, aldyn ala tekserilýge keńes beredi.

Kózge kúrdeli operasııa jasady

Almatylyqtar «12 aýrýhana» dep atap kelgen Ortalyq qalalyq klınıka­lyq aýrýhanasynyń dárigerleri kóziniń torly qabyǵyna jaryq túsken áıelge joǵary tehnologııalyq operasııa jasady. Quny 700 myń teńgeden asyp jy­ǵylatyn bul operasııa mindetti áleý­met­tik medısınalyq saqtandyrý sheń­berinde jasaldy.

Oftalmologııa bólimi meńgerýshisi Gúl­zat Ábraıymovanyń aıtýynsha, kózdiń torly qabyǵynyń tamyrlardan ajyraýy aýyr patologııalar qataryna jatady. Mamannyń sózine súıensek, kózdiń torlyq qabyǵynyń ajyraýyn dárimen nemese ekpemen emdeý múmkin emes. Kórý qabiletin qalpyna keltirýdiń birden-bir joly – kózge jedel operasııa jasaý. Sol sebepti pasıenttiń kóz janaryn saqtap qalý maqsatynda mıkrohırýrgııalyq manıpýlıasııa jasaý týraly sheshim qabyldanǵan. Onyń ústine, kózdiń artqy torly qabyǵynyń ajyraýy operasııany qıyndata túsken.

«Kózdiń torly qabyǵy ajyraǵan kezde kórý qabileti nasharlaıdy jáne kóp jaǵdaıda pasıent kórý qabiletinen aıyrylyp qalady. Ádette torly qabyqtyń zaqymdanýyna jaraqat pen mıopııa (kóz­diń jaqynnan kórmeýi), qant dıabeti, kóz ishindegi isik, qabyqtyń formasynyń buzylýy syndy jaǵdaılar túrtki bolýy múmkin. Bizdiń pasıent joǵary deń­geıdegi mıopııamen aýyrǵan. Biz oǵan ­vıtrektomııa dep atalatyn opera­sııa ­jasap, ishindegi áınek tárizdes de­neni mıkro­hırýrgııalyq jolmen alyp tas­tadyq, ornyn arnaıy suıyqtyqpen toltyrdyq», deıdi maman.

Mundaı kúrdeli hırýrgııalyq operasııalar joǵary tehnologııalardyń kó­me­gimen jasalady. Sebebi óte názik bolyp keletin torly qabyqtaǵy árbir jasýsha kózdiń kórý qabiletine jaýap beredi.

О́tine júzden astam usaq tas jınalǵan

Jasy 72-ge jetken kezekti almatylyq únemi baýyrynyń tusy shanshyp aýyratynyn aıtyp shaǵymdanyp kelgen. №1 qalalyq klınıkalyq aýrýhana hırýrgteri laparoskopııalyq qondyr­ǵylardyń kó­me­gimen operasııa jasap, qabynǵan ót qabyn alyp tastady. Bul operasııa da josparly túrde MÁMS sheńberinde jasaldy. Pasıenttiń ót qabynan 100-den astam usaq tas tabylǵan. Bir qaraǵanda ót qaby kesilgen anarǵa uqsaıdy, mun­daı jaǵdaıdy buryn-sońdy kórmegenin aıtady dárigerler. Operasııa sátti ótti, pasıent opera­sııa­dan keıin altynshy kúni aýrýhanadan shyqty. Buryn mundaı operasııa­lar dástúrli ádispen jasalatyn bolsa, qazir hırýrgter shaǵyn ınvazıvti tásil – laparoskopııalyq operasııaǵa basym­dyq beredi. Sebebi ol naýqastyń tez arada aıyǵyp, hırýrgııalyq manıpýlıasııa saldarynan ishekterdiń jabysý qaýpin tómendetedi.

№1 aýrýhananyń kópbeıindi hı­­­rýr­gııalyq bólimi meńgerýshisi Marat ­Men­aıa­qov kóbine pasıentter ót qabyn saq­tap qa­lýǵa bola ma, joq pa degen suraq qoıyp jatatynyn jetkizdi.

«О́kinishke qaraı, tasty alyp tastap ót qabynyń ózin qaldyrýǵa bolmaıdy. О́ıtkeni qabynyp turǵan ót qaby keıin de tas paıda bolýyna áser etedi. Men ony baıqaýsyzda jarylatyn bombaǵa teńer edim. Sebebi usaq tastar kóship, ót joldaryna tas baılaný jáne mehanıka­lyq saryaýrý, óttiń qabynýy syndy dertterge ákep soqtyrýy ábden múmkin. Sol sebepti tas baılanǵan jaǵdaıda ótti alyp tastaǵan durys. Jáne operasııany shuǵyl jaǵdaıǵa jetkizbeı, josparly túrde, pasıentti daıyndap, densaýlyǵyn ábden tekserip baryp jasaǵan jón», deıdi M.Menaıaqov.

Alǵash ret kardıostımýlıator ornatty

Almatydaǵy Ortalyq qalalyq klı­nıkalyq aýrýhanasy da tuńǵysh ret MÁMS sheńberinde pasıent júre­gine ­kardıostımýlıator ornatty. Aýrýha­nanyń baspasóz qyzmeti bergen aqparatqa súıensek, tekserý barysynda naýqastyń júrek-qan tamyry júıesinen kiná­rat tabylyp, atrıoventrıkýlıarly (AV) blokada anyqtalǵan. Bólim meńgerýshisi, ıntervensıondyq kardıolog Erjan Quttyǵojın mundaı kesel kóbinese qart kisilerde jıi kezdesetinin aıtady. Sony­men naýqastyń ómirin saqtap qalý úshin shuǵyl túrde operasııa jasap, qan aınalymyn retteý qajet boldy.

«Júrekke 2 kameraly elektrokar­dıostımýlıator ımplant ornatyldy. ­Ope­­rasııa kezinde elektrodtar ornatylyp elektrokardıostımýlıatorǵa qostyq. Operasııa sátti ótti», deıdi arıtmolog-dáriger Ǵanı Tólepbergenov.

Atalǵan operasııa OQKA-da osydan bir aı ǵana buryn ashylǵan Intervensııa­lyq kardıologııa bólimshesinde jasaldy.

Erekshe operasııany elde alǵash ret jasady

Al «Ortalyq klınıkalyq aýrýhanasy» neırohırýrgteri Qazaqstanda alǵash ret qabyq arterııasynan arterııalyq-venozdyq baılanystardy jabý operasııasyn jasady. Qysqasha aıtqanda, naý­qastyń kúre tamyryn keńeıtip, tamyr­ishilik stend qoıdy. Osyǵan uqsas názik operasııalar AQSh-ta jáne Eýropada ja­salǵan, al TMD-da bul operasııany bizdiń mamandar birinshi bolyp qolǵa aldy.

Alǵashynda pasıentke Almaty qala­­syndaǵy klınıkalardyń birinde opera­sııa jasalǵan, nátıjesinde bas-súıek­ishilik venozdyq gıpertenzııa bastalyp, bireý­diń kómeginsiz qımyldaı almaı, bas aýyrý, júrek aıný, qusý bastalady. Onda arterııalyq-venozdyq fıstýla bolyp, qarama qarsy jaǵynan sınýstar bitelip qalǵan, tamyrlardyń tarylýyn qalpyna keltirý qajet boldy.

«Qazaqstanda neırohırýrgter mun­daı operasııalarǵa bara bermeıtin, óıtkeni olar ınsýlttiń joǵary qaýip­tiligimen túıindesedi. Alaıda bizdiń táji­rıbemizdiń, aqparattardyń, sheteldik áriptestermen sóılesýdiń nátıjesinde biz jeńip shyqtyq jáne pasıenttiń ómi­rin arashalap qaldyq. Biz kúretamyr­dyń tarylǵan ýchaskesin keńeıtip, ol jerge tamyrishilik stend ornattyq. Saǵa­lar qosylysy 8 arterııadan turdy, son­dyq­tan ony bir ýaqytta jabý múmkin bolmady, operasııany úsh kezeńge bólýge týra keldi», – deıdi OQKA neırohırýrgııa ortalyǵynyń basshysy Myńjyl­qy Berdiqojaev.

Qazir pasıent óz úıinde jáne ońal­týdan ótip jatyr. Bul pasıentke de operasııa men em medısınalyq saqtandyrý ese­binen tegin kórsetildi.

 

ALMATY

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar