Dıalog alańynda – kóshbasshy jastar

Deni jastar qatysqan is-sharaǵa oblystyq jáne óńirlik jastar resýrstyq orta­lyqtarynyń qyzmet­ker­leri, stýdentter, jas­tar uıymdarynyń basshylary men kóshbasshylary belsendi qatysty. Sondaı-aq pikirtalas alańyna kelgen Býrabaı aýdanynyń ákimi Áset Muzdybaev, Amanat partııasy qoǵamdyq saıasat ınstıtýty dırektorynyń orynbasary Dınara Sádýaqasova, «Ulan-ǵaıyr dala eli» qo­ǵam­dyq birlestiginiń je­tekshisi, Qazaqstan halqy Assambleıasynyń múshesi Valıhan Bahretdınov, «Jas­tar qyzmetkerleri qaýym­dastyǵy» QB tóraǵasy Nurlybaı Naýryzbaev jáne «Esirtkisiz bolashaq» KQ atqarýshy dırektory Jan­dos Aqtaev jastarǵa Kon­s­tı­týsııaǵa engizi­letin ózge­rister men to­lyq­­tyrý­lar­dyń ma­ńyz­dyly­ǵyn túsin­dirip, al­da­ǵy refe­ren­dým­ǵa belsendi atsalysýǵa shaqyr­dy.

Is-sharanyń moderatory, «Qazaqstan jastar kongresi» qaýymdastyǵy nysanyndaǵy zańdy tulǵalar birlestiginiń atqarýshy dırektory, Jas­tar isi jónindegi keńestiń múshesi Toqtar Bolysov referendýmnyń Joldaýda jarııalanǵan reformalardy halyqtyń tańdaýymen júzege asyrýǵa jol ashatynyn atap ótti. «Memleket basshysy árqashanda azamattardy sheshim qabyldaýǵa belsendi qatysýǵa shaqyryp keledi. Konstıtýsııalyq ózgerister boıynsha endi aralas saılaý júıesi arqyly partııaǵa múshe emes azamattar da Par­lamentke saılana alady. Eger referendýmda daýys berýshiler osy ózgeristerdi qoldasa, onda biz Prezıdent aıtqan Jańa, Ádiletti Qazaq­stan qurýǵa múmkindik alamyz. Bul – elimizdiń damýy úshin mańyzdy qadam», dedi ol.

«Referendýmǵa qatysyp, ashyq pikir bildirý, qoǵamǵa ún men úlesin qosý elimizdiń bolashaǵyna, jańa ómirine qadam jasaıtyn mańyzdy kún ekenin esten shyǵarmaǵan jón. Barlyǵymyz birligi jarasqan el bolyp jumylsaq qana ózi­miz qalaǵandaı berekeli ári beıbit Jańa Qazaqstandy qura alamyz. Bul saıası naýqan – el ómirindegi tarıhı sát. Osy sátti paıdalana otyryp, memleketimizdiń bolashaǵy úshin múddesin arttyrý barshamyzdyń abyroıly mindetimiz ekenin aıtqym keledi», dedi basqosýda sóz alǵan Nurlybaı Naýryzbaev. Al elimizdiń úlken ózgerister aldynda turǵanyn eske sal­ǵan Jandos Aqtaev memle­ket­tiń damýy tikeleı osy re­ferendýmǵa baılanysty eke­nin aıtty.

Jıynǵa qatysqan jas­tar men sarapshylar aldaǵy referendýmǵa, Kons­tıtý­sııa­ǵa engiziletin túzetý­­ler­ge oń kózqaraspen qa­raı­­­tyn­dyqtaryn aıtyp, eli­miz­diń órkendeýiniń irgeta­sy qala­na­tynyna senim bil­dirdi. Kez­­desý sońynda qaty­sý­shy­lar qonaqtarǵa ózderin qy­zyqtyrǵan suraq­taryn qo­ıyp, qosymsha aqparattarǵa qanyqty.

Aqmola oblysy