Qoǵam • 25 Mamyr, 2022

Balalardy qorǵaýdyń basym baǵyttary

32 ret kórsetildi

Elordalyq bilim basqarmasynyń basshysy Qasymhan Senǵazyev qalada Balalar jylyn ótkizýge arnalǵan is-sharalar jospary qalaı júzege asyp jatqany týraly áńgimeledi. Elordada negizgi 7 baǵyt boıynsha Balalar jylyn ótkizý jónindegi qalalyq is-sharalar jospary ázirlenip bekitilgen. Bul –«Bilimdi bala», «Otbasy – qaýipsiz meken», «Deni saý bala», «Jetimsiz el», «Jaıly meken», «Bala qorgau», «Bala_time.kz» baǵyttary.

«Sapaly, tıimdi uıymdastyrý úshin Balalar jylyn ótkizý boıyn­sha qalalyq jedel shtab quryl­dy. Bú­ginde is-sharalardyń ishinde, 1 myń­­­­-
nan astam balanyń qatysýymen ót­ken «Qazaqkonsert» ortalyq konsert zalynda «Shattyq-2022» HV qala­lyq shyǵarmashylyq ashylý­lar baı­qaýynyń Gala-konserti bol­dy. Bala­lardyń quqyqtaryn qor­ǵaý bóli­mi ashyldy. Qalalyq psıho­lo­gııa­lyq súıe­meldeý qyz­meti, «KOKTAL JUNIOR HALL» sport­tyq-shyǵar­ma­shy­lyq ortalyǵy ashyldy», dedi Q.Senǵazyev.

Onyń qatarynda tehnıkalyq jáne kásiptik bilim berý uıym­daryna qa­byl­daýǵa memlekettik bilim berý tapsyrysyn 2 550 orynǵa deıin ulǵaıtý bar. Elordada balalardy qorǵaý kúnine oraı «Nursaıa» turǵyn úı kesheninde 1 200-den astam balany qamtıtyn qa­dam­dyq qoljetimdilik qaǵıdaty boıynsha salynǵan Ál-Farabı atyndaǵy oqýshylar sara­ıy­­nyń fılıalyn ashý josparlanyp otyr. Sonymen qatar merekege oraı Kenesary kóshesi, 41 mekenja­ıyn­da Balalar kór­kem­sýret mek-
te­­bi­niń jeke ǵımaraty ashylady.

Ál-Farabı atyndaǵy Oqý­shylar saraıy bazasynda 400-den asa balany tegin qamtı otyryp, IT baǵyttary boıynsha SANA kreatıvti bilim berý ortalyǵy jumysyn bastaı­dy. Amfıteatrda «BALAPAN ÁLEMI» respýblıkalyq fes­tıvali ótedi. (Qazaqstan jáne Balapan telearnalary men qala ákimdigi birlesip ótkizedi). Oǵan 1 myńnan asa bala qatysady dep kútilýde. Sonymen qa­tar bul kúni Astanalyq, Trıatlon parki, «Jetisý», «Jeruıyq», «Qalam­ger­ler», Demalys Pro­menad saıa­­baq­tary, «Esil» óze­niniń jaǵa­laýy («Arbat»), qala mek­tepte­riniń taqy­ryptyq aımaq­tary bar sport alań­darynda mere­­k­elik konserttik baǵ­dar­lama­lar, sport­tyq jarystar, konkýrs­tar uıymdas­tyrylady. Sony­men qatar bul kúni jazǵy demalys, «Jasyl el» jastar eńbek ja­saǵynyń jumysy bastalady.

«Bıyl elordanyń mektepke de­ıin­gi uıymdarynda 22 myńǵa jýyq oryn bosaıdy. Toptardy jasaqtaý ju­mys­tary 15 maýsymda bastalady. www.Indigo24.kz elektrondy júıesinde mektepke deıingi uıymdarda (memle­kettik, jekemenshik baqtar men sha­ǵyn ortalyqtar) bosaǵan oryndar sany 21 978 oryn, 2021 jyly – 20 myń oryn, onyń ishinde, 2021 jyly týǵandarǵa – 162 oryn, 2020 jyly týǵandarǵa – 2 542 oryn, 2019 jyly týǵandarǵa 2 019 oryn jarııalanady. 8 134 oryn, 2018 jylǵylarǵa – 6 710 oryn, 2017 jylǵylarǵa – 4 430 oryn», dedi Q.Senǵazyev.

Kezekten tys ótetinderdiń qa­ta­rynda áskerı qyzmetshiler­diń bala­lary, arnaýly memleket­tik organdar qyzmetkerleri­niń ­balalary, mem­le­kettik felde­gerlik qyz­met­kerleriniń balalary bar. Zań­na­maǵa engizilgen ózgeristerge sáıkes Indıgo júıe­sinde mektepke de­ıin­gi uıym­ǵa kezekke qoıý kezinde je­ńil­diktiń jańa túri iske qosyldy. Ol – mem­le­kettik feldeger­­lik qyz­met­kerleriniń balalaryna arnalǵan. Onyń ishinde qyzmet ót­­kerý kezeńinde qaza tapqandar, qaıtys bolǵandar nemese habar-osharsyz ketkender de bar.

«Erekshe bilim berý qajetti­lik­teri bar balalar «INDIGO: elek­trondyq balab­aqsha» elek­trondy júıesinde arnaıy mek­tepke deıingi uıymdarǵa, son­daı-aq balabaqshalardaǵy túzetý jáne ınklıýzıvti toptarǵa joldama alady. Bıyl sybaılas jem­qorlyq táýekelderin boldyrmaý jáne ata-analarǵa yńǵaıly bolýy úshin júıe­de ata-ana men mektepke deıingi uıym arasynda «Elek­trondy shart jasa­sýǵa» jańa mo­dýl engizildi. Bul to­lyq­taı qashyqtyq prosedýra, ata-ana ózine yńǵaıly kez kelgen ýaqytta kelisimshart jasaı alady. Shartqa qol qoıý sizdiń ESQ kiltińizdiń kómegimen júzege asyrylady», dedi bilim basqarmasynyń basshysy.

Bıyl 30 mamy­rdan bastap bar­lyq memlekettik bala­baqshalar bazasynda saǵat 8.00-den 18.00-ge deıin ata-ana­larǵa keńes berý pýnkteri uıym­das­tyryla­dy, olar­ǵa qajet bol­ǵan jaǵdaıda aqparat alý úshin júginýge bolady. 2022-2023 oqý jy­lyna arnalǵan toptardy ja­saq­­taýdy ótkizý kestesi jáne joldama alý ınfografıkasy bilim basqarmasynyń ınternet-resýrsynda elektrondy júıe saı­tynda ornalastyrylady.

Sonymen qatar elordanyń bilim berý mekemelerinde oqý­shy­lar úshin jazǵy demalys uıym­dastyrylady. Osy maqsatta qala mektepteriniń 1-10-synyp oqýshylarynyń jalpy sany­nyń 94%-yn qamtý josparlanyp otyr. Qala syrtyndaǵy 2 lager (1 440 bala), 2 shatyrly lager (960 bala), 2 beıindi lager (700 bala), 3 maýsym jumys isteıtin Oqýshylar saraıy janyndaǵy jazǵy lager daıyn. 92 mektepte 81 600 balany qamtı otyryp, bastaýysh synyp balalaryna arnalǵan mektep janyndaǵy lagerler uıymdastyrylǵan.

«Jyl saıyn balalar Bilim jáne ǵylym mınıstrligi kvotalaryna sáıkes «Baldáýren – Shý­chınsk», «Bal­dáýren – Qapshaǵaı», «Baldáýren – Balqash» (5-9-sy­nyp­­tar), «Bóbek» (1-4-synyp) respýblıkalyq saýyqtyrý la­ger­­le­rine barady. 1-10-synyp oqýshylary­nyń jalpy sanynan (185 710 oqýshy) 51 847 balany (28%) qamtıtyn 4 baǵyt boıynsha jumyspen qamtý josparlanyp otyr. Balalar birneshe baǵyt boıynsha jumyspen qamtylady, eńbek «Jasyl el» kógaldandyrý brıgadasy, ekologııalyq lagerler (2 860 bala), shyǵarmashy­lyq baǵytta túrli mekemelerdegi qyzy­ǵýshylyq­tar boıynsha klýbtar men úıirmeler, 28 aýla klýby (35 216 bala), sporttyq-týrıstik «Dıdarly jaz», «Aıbyndy maýsym» la­ger­leriniń jalpy bilim beretin mektepteriniń zaldarynda jáne sport alańdarynda, týrıs­tik sapar­laryna, ekspedısııa­lar­­ǵa (arheo­­logııalyq, ekologııa­lyq, ólke­taný) qatysý. Bul rette 1 755 bala tegin qamtylady, zııat­­­­ker­lik baǵytta «Jas Ulan», «Jas qyran» músheleriniń kósh­bas­­­­­shy­lar aktıviniń jazǵy mek­tep­teri, jazǵy tildik mektepter, ­de­bat lagerleri ju­mys isteıdi (12 016 bala)», dedi Q.Senǵazyev.

Sonymen qatar basqarma bas­­shysy elordada sońǵy qońy­raý­dyń qalaı ótetini týraly da aıtyp berdi.

«Bıyl túlekter mekteppen jáne pedagogtermen ádettegi for­­matta qosh­­tasady. Alaıda is-sharalardyń bári mektep qa­byrǵasynda saltanat­­ty túrde ótkizilýi kerek. Mektepter­diń qam­­qor­shylyq keńesteri mektep á­kim­shiligimen birlesip, osy is-shara­larǵa jumsalatyn úlken shyǵyndar­dyń orynsyzdyǵy týraly túlek­ter­diń ata-analaryna túsindirý jumy­syn ótkizýi qajet. Sondyqtan bul aqpa­ratty taǵy da mektep túlekterine jáne ata-analar qaýymdastyǵyna jetki­zýdi suraımyz. Muny oryndaý oqý orny­nyń basshysyna júkteledi. Barlyq mekteptegi sońǵy qońy­raý 25 mamyrda dástúrli formatta saltanatty túrde qonaq­tardyń, ata-analardyń qaty­sýymen ótedi», dedi ol.

«Altyn belgi» ıegerlerin sal­ta­natty túrde tabystaý elorda saıabaǵy­nyń amfıteatrynda 17 maýsym kúnge josparlanyp otyr. Bul is-sharalar­ǵa mekteptiń pedagogıkalyq ujy­my, túlekter, olardyń ata-ana­lary, peda­go­gıkalyq eńbek ardagerleri, qam­qor­shylyq keńes músheleri, pat­ro­nattyq uıymdar, múddeli mem­lekettik organdar jáne bas­qa­lar qatysady. Bul rette biti­rý jumysyn bilim berý uıy­mynyń ózi júrgizýi tıis.

«Is-sharalardy ótkizýge anı­matorlardy, mereke­lik agent­tik­terdi, ártis­ter­di, sal­­­­tanattar­dy ótkizý úshin jeke stýdııa­lar­dy tar­tý, merekelik ústel­­der uıym­­dastyrý, avto­mo­bılderdi jalǵa alyp, qala (aýdan) bo­ıynsha kósh­peli ekskýrsııalar ót­kizý, mektep ákim­shiligi men peda­gog­terge syılyq alý úshin qara­jat jı­naý, oıyn-sa­ýyq meke­­me­le­rinde biti­rý is-shara­la­ryn uıym­das­tyrýǵa jol be­­­ril­meıdi», dedi Q.Sen­ǵazyev.

Sońǵy jańalyqtar

Sal-seriniń sońy

Qazaqstan • Búgin, 21:30

Jazda lager jetispeıdi

Qoǵam • Búgin, 21:27

GGG – CANELO: Er kezegi úshke deıin...

Kásipqoı boks • Búgin, 21:19

Alash ardaqtysyn túrki álemi ulyqtady

Ahmet Baıtursynuly • Búgin, 21:09

Shabandoz taqym qysyp oqıtyn jyr

Ádebıet • Búgin, 21:08

Shavqat jeńiske jetti

Sport • Búgin, 21:05

Maǵjannyń qarasózderi

Ádebıet • Búgin, 21:05

Saf aýadaǵy serýen

Egemen Qazaqstan • Búgin, 21:02

Uqsas jańalyqtar