Áskerdegi ádebı kún

Kezdesýge ádebı jýrnal redak­sııa­synyń ujymy, Pavlodar peda­go­gıkalyq ýnıversıtetiniń janynan qurylǵan «Qusqanat-ǵumyr» ádebı birlestiginiń músheleri, óńirge belgili aqyndar jáne sarbazdar qatysty.

Jas sarbazdardyń jaýyngerlerlik rý­hyn kóterý maqsatynda ótken jıyn­nyń birinshi bóliminde bólim sar­bazdary arasynda sporttyq jarys uıym­das­ty­ryldy. Jaýyngerler eń áýeli kermede tartylýdan synǵa tústi. Jýrnal redaktory Asyl Ábish sarbazdarǵa sáttilik tilep, ker­mege birinshi bolyp ózi tartyldy. «О́zderińdeı bilekti de, júrekti ja­ýyn­­gerlermen jarysqa túsip, bá­se­ke­leseıin degen oıymyz joq. Degen­men senderdiń shabyttaryńdy oıatyp, joldaryńdy ashyp berýge nıettimiz», degen Asyl Álimjanuly 10 ret tartylyp, kópshiliktiń qurmetine bólendi. Kezek sarbazdarǵa jetti. Bólimniń úsh rotasynyń sarbazdarynan quralǵan komandalyq synda «Jaýyngerlik qamtamasyz etý» ro­ta­synyń sarbaz­dary jeńimpaz atandy. Ekinshi oryndy «Birinshi jedel maqsattaǵy» rota ıelendi. Al «Ekinshi jedel maqsattaǵy» rota sarbazdary úshinshi orynǵa turaqtady.

Budan soń sarbazdar jaýyngerlik estafetadan baq synasty. Bul básekede «Ekinshi jedel maqsattaǵy» ortanyń baǵy janyp, kósh bastady. «Birinshi jedel maqsattaǵy» rota ekinshi nátıje kórsetse, «Ja­ýyn­ger­di qamtamasyz etý» rotasy úshinshi oryn ıelendi.

«Áskerı bólimdegi ádebı kún» kezdesýi redaksııa ujymy men bólim sarbazdarynyń án-jyr shashýyna ulasty. Ádebı keshti jýrnaldyń jaýapty hatshysy, Ulttyq Ulan sarbazy, qatardaǵy jaýynger Elaman Qabdiláshim júrgizdi. Kesh shymyl­dy­ǵyn jýrnaldyń Bas redaktory Asyl Ábish ana jaıly ánmen túrdi. Jyr keshin jýrnaldyń ádebı qyzmetkerleri Altyn Aıtqalıeva men Áıgerim Soltan Otan týraly, Ana týraly óleńdermen jalǵady.

Kezdesýdiń qonaǵy, aıtysker aqyn, Ulttyq Ulan sarbazy, Qaraǵandy qalasyndaǵy 6505 áskerı bóliminde mer­zimdi áskerı qyzmetin ótegen qatar­daǵy jaýynger Qýandyq Bashoı sarbazdarǵa arnaý jyryn joldady.

Al «Qusqanat-ǵumyr» ádebı birlestiginiń músheleri Ábilhan Marat Ábilhan, Esenkeldi Jánibek, Áıgerim Múlikqyzy, Kerbez Qabytaeva, Dana Sabyrbaı ja­ýyngerlerge lırıkalyq jyrlaryn tartý etti.

Kezek bólim sarbazdaryna jetkende, olar da aıanyp qalmady. Saıdyń serke tasyndaı qatar tizilip, sapta turǵan saıypqyrandardyń sapynda ónerdi serik etkender az emes eken. Kezek-kezek sahnaǵa kóterilip, biri dombyramen, biri gıtaramen án saldy, biri jyr oqydy. Kezdesýge belsendi aralasqan jaýyngerler Almaz Nurmuhanbet, Arna Rızabek, Álisher Kerimqul, Erbol Seıitqazy, Erlan Satypaldy qarýlas qatarlastarynyń qurmetine bólendi.

Kesh Júsipbek Aımaýytovtyń «Alash áskeriniń marshy» óleńimen túıindeldi. «Áskerı bólimdegi ádebı kún» kezdeýine atsalysqan azamattarǵa Ertis Media JShS-niń dırektory Aıda Hamzınanyń atynan Alǵys hattar tabystaldy.

 – Qazaqstan Respýblıkasy Ulttyq Ulany 5512 áskerı bóliminiń koman­dıri Aıan Áskerbekulyna, kezdesýdi uıymdastyrýǵa qolushyn sozǵan bólim qyzmetkeri, áskerı klýbtyń basshysy, aǵa leıtenant Eldos Qabdra­shıtovqa, sporttyq saıys­tardy ótkizýge atsalysqan, aǵa leıtenant Mádı Nıgmatýllınge jáne is-sharada mýzykalyq apparatýramen qamtamasyz etken, Shanyraq oblystyq halyq shyǵarmashylyǵy jáne mádenı-saýyq qyzmeti ortalyǵynyń basshysy Jarqynbek Amantaıulyna alǵys bildiremiz! Jas urpaqty áskerı ómirge beıimdep, eliniń naǵyz patrıoty bolýǵa tárbıeleý jolynda ár azamat eńbek etýi qajet. Bul maqsatta siz ben bizdiń arqalar júgimiz aýyr, atqarar isimiz orasan. Osynaý mindetti oryndaý barysynda ornaǵan yntymaqtastyq óz jemisin beredi degen senimdemin, – dedi jýrnaldyń Bas redaktory Asyl Ábish.

Ádebı-patrıottyq shara áskerı bólimniń mýzeıine, kitaphanasyna jáne sarbazdardyń úı-jaıyna saıahat jasaýmen aıaqtaldy.

Pavlodar oblysy