Elorda • 26 Mamyr, 2022

Elordada taǵy bir aqyly turaq iske qosylady

17 ret kórsetildi

Imanov kóshesi boıyndaǵy turaq aımaqtary 1 maýsymnan bastap qala ákimdiginiń qaýlysyna sáıkes aqyly bolady, dep habarlaıdy Egemen.kz.

«Astana turaq keńistigi» mekemesiniń málimetinshe, aımaqty aqyly etý jumys kúni ishinde bos oryndar sanyn kóbeıtedi, ár turaq ornynyń aınalymyn arttyrady jáne bos turaq izdeýge jumsalatyn ortasha ýaqytty azaıtady.

«Avtoturaq shekarasyndaǵy úılerdiń turǵyndary úshin aıyna 1 500 teńge turatyn rezıdenttik abonement jumys isteıdi. Qujattar tizbesi jáne resimdeý jónindegi nusqaýlyq astanapark.kz saıtynyń «Rezıdentter» bóliminde ornalastyrylǵan.

Turaqtardy paıdalanýǵa jumsalatyn qarajatty únemdeý úshin abonementter qoldanylady. Abonement ıeleri qala boıynsha barlyq aqyly aımaqtarda kólikterin turaqqa qoıa alady - tirkeý júıesi tólemniń bolýyn avtomatty túrde anyqtaıdy», dep jazdy vedomstvodan.

Aıta keteıik, árbir turaq aımaǵynda aqparattyq qalqandar jáne aqyly turaq belgisi ornatylǵan. Qalqannyń joǵarǵy jaǵynda tórt tańbaly nómir ornalasqan. Bul nómir turaq aqysyn tóleý kezinde kórsetilýi kerek. Sondaı-aq ýaqyt pen tehpasportqa sáıkes avtomobıldiń memlekettik nómirin jazý qajet.

Eske sala keteıik, elordada nómirleri 11**, 2***, 3***, 4*** dep bastalatyn aqyly avtoturaq aımaqtary jumys rejımine 2022 jylǵy 1 naýryzdan bastap aýystyryldy. Aqyly turaqtardyń jumys tártibi: jumys kúnderi saǵ. 8:00-den 20:00-ge deıin. Tólem alǵashqy 30 mınýtta jasalýy kerek. Demalys jáne mereke kúnderi turaqtar tegin.

 

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar