«Bıyl sáýir aıynda áleýmettik sala shyǵyndary qosymsha 4%-ǵa ındeksteldi. Sonda 40-50 myń teńge kólemindegi zeınetaqy 2 myń teńgege ǵana ósse, 300-400 myń teńgedegi zeınetaqy 16 myńǵa ósken. Bul qoǵamdaǵy teńsizdikti qalaı azaıtpaq? Bul qarajat eń tómen zeınetaqy men 1 mıllıonǵa jýyq adamnyń tabysynyń eń tómengi kúngóris deńgeıin kóterýge qanshalyqty múmkindik beredi? Jalpy, ındeksteýden keıin azamattar tólemderdiń ósýin barynsha seziný úshin eń tómengi áleýmettik standarttar ádisnamasyn qaıta qaraý mınıstrliktiń josparynda bar ma?», dep surady Senat depýtaty Rysqalı Ábdikerov mınıstrden.
О́z kezeginde Tamara Dúısenova zeınetaqy jáne basqa áleýmettik tólemderdi ındeksasııalaý ınflıasııa dálizine qaraı bıýdjettik tártippen jasalatynyn aıtty.
«Eń tómengi zeınetaqy, eńbekaqy, járdemaqy jónindegi sizdiń pikirińizmen tolyq kelisemin. Sondyqtan Úkimettiń qazirgi josparynyń ishinde bizdiń de on shaqty josparymyz tur. Eń tómengi zeınetaqydan eń tómengi járdemaqyǵa deıingi standarttardy qaıta qaraımyz. Qazir biz ulttyq jáne halyqaralyq sarapshylardy shaqyryp, jumysty bastadyq. Biraz usynystarymyzdy daıarlap jatyrmyz. Sonyń nátıjesinde jumys toby qurylady dep otyrmyz. Sol jumys tobyna ózderińizdi de shaqyramyz», dedi ol.
