Arýjan irikteý saıystarynyń jartylaı fınalynda fransııalyq Ofalıa Býllaımen kezdesti. Eki saǵatqa sozylǵan tartysty matchta qazaqstandyq tennısshi 6:4, 5:7, 10:6 esebimen jeńiske jetti.
A.Saǵyndyqova irikteý saıystarynyń fınalynda japonııalyq Haıa Kınosıtamen sheberlik baıqasady. Irikteý saıystarynyń 6-raketkasyn jeńse, negizgi jarysqa joldama alady.
Taǵy bir jas qazaqstandyq Maksım Batıýtenko jergilikti oıynshy Tomas Fýrelge jol berdi – 6:4, 4:6, 7:10.
Qazaqstannyń áıelder arasyndaǵy ekinshi, álemniń 37-raketkasy Iýlııa Pýtınseva úshinshi aınalymǵa óte almady. Ol álemniń 30-raketkasy, ıtalııalyq Kamıla Djordjıden utylyp qaldy – 3:6, 5:7.
Iý.Pýtınseva juptyq synda da jarys jolynan shyǵyp qaldy. Ol amerıkalyq Danıel Kollızben birge rýmynııalyq Monıka Nıkýleský – belgııalyq Elıson Van Eıtvanktan jeńildi – 6:3, 3:6, 1:6.
