Prezıdent • 27 Mamyr, 2022

Prezıdent Myrzataı Joldasbekovti quttyqtady

76 ret kórsetildi

Prezıdent Qasym-Jomart Toqaev memleket jáne qoǵam qaıratkeri Myrzataı Joldasbekovti 85 jasqa tolýymen quttyqtap, jedelhat joldady, dep habarlaıdy Egemen.kz.

«Halqymyz ózińizdi memleket jáne qoǵam qaıratkeri, ǵalym, qarymdy qalamger retinde jaqsy biledi jáne qurmetteıdi. Ustazdyqtan bastalǵan eńbek jolyńyzda mınıstr, Premer-Mınıstrdiń orynbasary, Elshi, ýnıversıtet rektory, Prezıdenttik ortalyqtyń basshysy sııaqty jaýapty laýazymdardy abyroımen atqaryp, elimizdiń mártebesi men bedeliniń arta túsýine atsalystyńyz. Ádebı qazynamyzdyń qaınar bulaǵy bolǵan aqyn-jyraýlardyń shyǵarmashylyǵyn jańa qyrynan kórsetip, qazaq úshin aıtys óneriniń aıryqsha ról atqaratynyn dáleldep berdińiz. Orhon-Enıseı jazba eskertkishterin tereń zerdeledińiz. Sizdiń qalamyńyzdan shyqqan «Ejelgi ádebıet nusqalary», «Kúltegin», «Asyl sózdiń atasy», «Kisilik kitaby», «Tańǵalamyn ómirdiń ǵajabyna» jáne basqa da kitaptaryńyz – ulttyq qundylyqtarymyzdy dáripteý men jańǵyrtýdyń jarqyn úlgisi. Aldaǵy ýaqytta da qoǵamdyq-saıası isterge belsendi atsalysyp, el-jurttyń shynaıy qurmetine bólenip, mereıińizdiń ústem bola berýine tilektestik bildiremin», dep jazylǵan quttyqtaý jedelhatynda.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar